Эмхтгэлийнхээ “Онцлох үйл явдал” буланд Дотоодын цэргийн тухай хуулийн эх бичвэрийг хүлээн авах, Дотоодын цэргийн “Байлдааны туг”-ийг залах ёслолын үйл ажиллагаа, Хэрэг бүртгэх албаны 15 жилийн ой, Хууль зүй, дотоод хэргийн сайдын нэрэмжит, цагдаагийн байгууллагын шилдэг хэсгийн төлөөлөгч шалгаруулах “Шилдэг хэсгийн төлөөлөгч” улсын анхдугаар уралдаан, “Цагаан шонхор” Төрийн өмчит үйлдвэрийн 25 жилийн ой зэрэг үйл ажиллагааг онцолсон юм.

“Алба хаагчдын асуултад хариулъя” буландаа “Тээврийн хэрэгсэлд тусгай дуут болон гэрлэн дохио тавьж, хэрэглэх журам”–ын талаар мэдээлэл бэлтгэж, “Ахлагч бүрэлдэхүүн ярьж байна” буланд Сүхбаатар аймгийн цагдаагийн газрын ахлах ахлагч З.Баясгалангийн ажил амжилтын талаар нийтлэн, “Сумын цагдаа” буландаа Дорнод аймгийн Чулуунхороот сумын хэсгийн төлөөлөгч Д.Мөнхзолбоог сурвалжиллаа.

Дугаарын онцлох сурвалжлагадаа “Сүлд” чуулгын дарга, цагдаагийн хурандаа Л.Гаравсүрэнтэйцагдаагийн байгууллагын соён гэгээрүүлэх ажил, амьдрал уран бүтээлийн талаар илэн далангүй ярилцаж, “Томилолт” буландаа Өмнөговь аймаг дахь Цагдаагийн газраас бэлтгэсэн сурвалжлага нийтлэн, Цагдаа дотоодын цэргийн алба хаагчдад 2017 оны шилдгүүдийг шалгаруулсан шагнал гардуулах ёслолын үйл ажиллагааны талаар бэлтгэж нийтлэв.

Эмхтгэлийн дугаар бүхнийг алгасалгүй уншдаг та бүхэндээ ажлын амжилт хүсэж байна.