100 жил
ИРГЭД, ЖОЛООЧ НАРТ ХӨДӨЛМӨР ХАМГААЛЛЫН АЮУЛГҮЙ АЖИЛЛАГААНЫ ТАЛААР МЭДЭЭЛЭЛ ХИЙЖЭЭ
Дорнод аймгийн Чулуунхороот суманд иргэд автомашины тормозны системийг хөлдөж, царцахаас сэргийлэх зориулалт бүхий үл мэдэх шингэн уусны улмаас иргэн Д.Т нь нас барсан хэргийг тус аймаг дахь Цагдаагийн газарт шалгаж байна.
Энэ төрлийн хэргээс урьдчилан сэргийлэх чиглэлээр аймаг дахь Цагдаагийн газраас тус аймагт үйл ажиллагаа явуулдаг “Дачин тамсаг”, “Шинь шинь”, “Шан-лун” ХХК-ийн үйлдвэрлэлийн бааз болон туслан гүйцэтгэх тээврийн ангиудад мэдэгдэл хүргүүлжээ. Туслан гүйцэтгэгч тээврийн ангиудын ажилтан, жолооч нарын 82 иргэнд гэмт хэрэг, эрх зүйн зөрчил, хөдөлмөр хамгааллын аюулгүй ажиллагааны дүрэм, Замын хөдөлгөөний аюулгүй байдлын тухай хууль, Гэмт хэргээс урьдчилан сэргийлэх тухай хуулийн талаар мэдээлэл хийж, баталгаа гаргуулан авсан байна.
Тус үйлдвэрийн газруудын манаач, ойр орчимд байдаг айл өрх, худалдаа үйлчилгээний явуулдаг мухлаг, үйлдвэрлэлийн баазын ажилчин, иргэдэд янз бүрийн савлагаатай химийн болон шингэн төрлийн бодис хэрэглэхгүй байх, архины шил, ундааны саванд ямар нэгэн шингэн бодис хийж ил задгай тавихгүй, нэр, хаяг тодорхойгүй үл мэдэгдэх шингэн зүйлийг дур мэдэн ууж, хэрэглэхгүй байх, эрсдэлтэй алхам хийж хордох, эрүүл мэнд, амь насаараа хохирох аюулаас сэргийлэхийг цагдаагийн байгууллагаас анхаарууллаа.
