Цагдаагийн ерөнхий газрын Төмөр зам дахь Цагдаагийн газрын хамт олон 2017 оны ололт, амжилтаа дүгнэн тайлангийн хурлаа хийж, оны шилдэг алба хаагчдадаа шагнал гардууллаа.

Тус газрын хөдөлмөрийн аварга алба хаагчаар ахлах нягтлан бодогч, цагдаагийн ахмал Д.Отгондалай, цагдаа, цагдаагийн сургагч ахлагч Ц.Чимэдрэгзэн, цагдаа цагдаагийн ахлагч Ж.Ган-Эрдэнэ нар шалгарлаа. Газрын ажил мэргэжлийн аварга алба хаагчаар шалгарсан эрүүгийн ахлах мөрдөгч, цагдаагийн ахмад Э.Одбаяр, мөрдөгч, цагдаагийн дэслэгч Г.Мөнхбат, хэсгийн байцаагч, цагдаагийн дэслэгч Б.Чинзориг нарт Төмөр зам дахь Цагдаагийн газрын дарга, цагдаагийн хурандаа Ч.Болдбаатар болон даргын зөвлөлийн гишүүд шагналыг нь гардуулан өгч, баяр хүргэж амжилт хүслээ.

Мөн өргөсөн тангарагтаа үнэнчээр зүтгэж эрхэлсэн ажилдаа амжилт гаргасан зарим алба хаагчийг Хууль зүй, дотоод хэргийн яам, Цагдаагийн ерөнхий газар, Нийтийн хэв журам хамгаалах, олон нийтийн аюулгүй байдлыг хангах албаны шагналаар шагнаж урамшуулсан юм.