Цагдаагийн ерөнхий газрын Санхүү, аж ахуйн албаныхан тайлангийн хурлаа хийж, 2017 оны шилдэг байгууллага, шилдэг алба хаагчдаа шалгаруулж шагнал гардуулах үйл ажиллагаа өнөөдөр боллоо.

 Тус албаны оны шилдэг байгууллагаар Нийслэлийн цагдаагийн газрын Санхүү, аж ахуйн хэлтэс, оны шилдэг удирдах ажилтнаар Дотоодын цэргийн 805 дугаар ангийн захирагч, дэд хурандаа Ц.Наранбаатар, оны шилдэг инженер, техникийн ажилтнаар Автобаазын засварын механик, цагдаагийн ахлах дэслэгч Г.Энхбаатар, Оны шилдэг эд хариуцагчаар санхүү аж ахуйн албаны Хангалт үйлчилгээний төвийн нярав, цагдаагийн ахлах ахлагч Х.Ариунжаргал нар шалгарч өргөмлөл, мөнгөн шагналаар шагнууллаа.

Мөн оны шилдэг санхүү, бүртгэлийн ажилтнаар Чингэлтэй дүүрэг дэх цагдаагийн нэгдүгээр хэлтсийн ахлах нягтлан бодогч, цагдаагийн ахлах дэслэгч Э.Цэвээнсүрэн, оны шилдэг үйлчилгээний ажилтнаар “Сүүж-Уул” сэргээн засах амралт, сувиллын үйлчлэгч Д.Чулуунцэцэг, оны шилдэг жолоочоор НЦГ-ын Санхүү, аж ахуйн хэлтсийн цагдаа-жолооч, цагдаагийн ахлах ахлагч Б.Батбаяр, Хөвсгөл аймаг дахь Цагдаагийн газрын цагдаа-жолооч, цагдаагийн ахлах ахлагч Ч.Маналсүрэн, Оны шилдэг аж ахуйн ажилтнаар Дорноговь аймаг дахь Цагдаагийн газрын аж ахуйн ажилтан, цагдаагийн ахлах дэслэгч Ж.Нэргүй нар шалгарав.

Санхүү, аж ахуйн албаны “Баярын бичиг”-ээр тус албаны хангалт үйлчилгээний төвийн бичиг хэргийн эрхлэгч, архивч, цагдаагийн ахлагч П.Пүрэвханд, мөн төвийн хэвлэгч-техникч, цагдаагийн дэд ахлагч М.Батбаяр, Мэдээлэл, шуурхай удирдлагын төвийн ахлах нягтлан бодогч, цагдаагийн дэслэгч Э.Чулуунцэцэг, Дорнод аймаг дахь Цагдаагийн газрын аж ахуйн ажилтан, цагдаагийн ахмад С.Баатарсүх нар шагнагдлаа. 

Мөн өргөсөн тангарагтаа үнэнчээр зүтгэж, эрхэлсэн ажилдаа амжилт гаргаж ажилласан тус албаны мэргэжилтэн, цагдаагийн ахлах ахлагч Б.Ганболдод Цагдаагийн ерөнхий газрын даргын тушаалаар цагдаагийн дэслэгч цол хүртээснийг тайлангийн хурлын үеэр гардуулсан юм.