ЦЕГ-ын Хяналт шалгалт, үнэлгээ, дотоод аудитын хэлтсээс Цагдаагийн байгууллагын дотоод аудитын 2017 оны төлөвлөгөөний биелэлтийг хангах зорилгоор Мөрдөн байцаагчийн үйл ажиллагаанд, Төлөвлөлт, зохион байгуулалтын хэлтсийн төлөвлөлтийн үйл ажиллагаанд, Цагдаагийн ерөнхий газрын даргын 2016 онд батлан гаргасан нууцын зэрэглэлтэйгээс бусад тушаалд нийцлийн аудит,  Баянгол дүүрэг дэх цагдаагийн нэгдүгээр хэлтэст бүртгэлтэй гудамж талбай, олон нийтийн газарт байршуулсан хяналтын камерын ашиглалтын байдалд гүйцэтгэлийн аудит, Шилэн дансны хуулийн хэрэгжилтийн байдалд, Сэлэнгэ аймаг дахь цагдаагийн газар, Дорноговь аймгийн Замын-үүд сум дахь Сум дундын цагдаагийн хэлтэс, Сонгинохайрхан дүүрэг дэх Цагдаагийн нэгдүгээр хэлтсийн үйл ажиллагаанд санхүүгийн аудит хийсэн. 

Сэлэнгэ аймгийн Мандал сум дахь сум дундын цагдаагийн хэлтсийн санхүүгийн үйл ажиллагаанд, Хэсгийн байцаагчийн үйл ажиллагаанд, Сэлэнгэ аймгийн Сайхан сум дахь Сум дундын цагдаагийн тасгийн санхүүгийн  үйл ажиллагаанд эргэн хянах аудит хийж, санал зөвлөмжийн биелэлтийг хангуулсан, биелэлт 92.0 хувьтай байна.

Цагдаагийн байгууллагын 2017 оны үйл ажиллагаанд эрсдэлийн үнэлгээ хийж, тайланг ХЗДХЯ-нд хүргүүлсэн ба Эрсдэлийн удирдлагыг хэрэгжүүлэх мэргэжил арга зүйн туслалцаа үзүүлэх зорилгоор аргачлал зөвлөмж, зайны сургалтын материал боловсруулж, алба, нэгж, нутаг дэвсгэр хариуцсан цагдаагийн байгууллагуудад цахим хэлбэрээр хүргүүллээ.

Дотоод аудит, эрсдэлийн удирдлагыг хэрэгжүүлэх чиглэлээр МБА, ЭЦА, ЗЦА, ХБА, МШУТ, Бүртгэл хяналтын төв, Тусгай ажиллагааны газар, Орхон, Булган, Говьсүмбэр, Сэлэнгэ, Хөвсгөл, Ховд аймаг дахь цагдаагийн газар, ТЗЦГ, Багануур дүүргийн цагдаагийн хэлтсийн алба хаагч нарт нийт 44 цагийн сургалт, мэргэжил арга зүйн зөвлөгөө өгөх ажлыг зохион байгуулсан.

Цагдаа, дотоод цэргийн сургалтын нэгдсэн төв, МҮДАХ-той хамтран төв болон харьяа нэгж, нутаг дэвсгэр хариуцсан цагдаагийн байгууллагын төлөвлөлт, эрсдэлийн удирдлага, хяналт-шинжилгээ хариуцсан 108 алба хаагчдад “Эрсдэлийн удирдлага”, “Хяналт-шинжилгээ, үнэлгээ хийх аргачлал”, “Эрсдэлийн удирдлага-дотоод аудит” сэдвээр 2017 оны сургалтын хөтөлбөрийн дагуу  3 удаа  4 өдрийн сургалт зохион байгууллаа.