Телекамерын хяналт нь Гэмтэл Согог Судлалын Үндэсний Төвийн цагдаагийн хэсэг дээр байрлаж байгаа ба халаасны хулгайн гэмт хэрэг үйлддэг болон үйлдэж болзошгүй этгээдүүдийг үйлдэл дээр нь таслан зогсоох, энэ төрлийн гэмт халдлагаас урьдчилан сэргийлэх чиглэлээр хяналт тавин ажиллаж байгаа юм.
Нөхцөл байдалтай Нийслэлийн цагдаагийн газрын Мөрдөн шалгах газрын Халаасны хулгайн гэмт хэрэгтэй тэмцэх хэлтсийн дарга, цагдаагийн дэд хурандаа Э.Бат-Эрдэнэ, ГССҮТ-н захирал Т.Мөнхсайхан нар танилцаж иргэд олон нийтэд мэдээлэл хийлээ.

ГССҮТөвийн захирал Т.Мөнхсайхан хэлэхдээ байгууллагын гадна болон дотор талд хяналтын камер, чиптэй хаалга байрлуулсанаар тус төвөөр үйлчлүүлж байгаа иргэдийн ая тухтай, аюулгүй үйлчлүүлэх нөхцлийг бүрдүүлж байгаа ба ингэснээр иргэдээс ирэх халаасны хулгайн гэмт хэргийн шинжтэй гомдол, мэдээлэл тодорхой хэмжээнд буурсан. Энэ маань гэмт хэргээс урьдчилан сэргийлэх ажилд үр дүнгээ өгч байгаа ба цаашид цагдаагийн байгууллагатай хамтран илүү өргөн хүрээтэй ажил арга хэмжээ зохион байгуулан ажиллахаа илэрхийлэв.