100 жил
ЦАГДААГИЙН ЕРӨНХИЙ ГАЗРЫН УДИРДЛАГУУД НҮБ-ЫН ХҮН АМЫН САНГИЙН СУУРИН ТӨЛӨӨЛӨГЧ НАОМИ КИТАХАРАГ ХҮЛЭЭН АВЧ УУЛЗЛАА
ЦАГДААГИЙН ЕРӨНХИЙ ГАЗРЫН УДИРДЛАГУУД НҮБ-ЫН ХҮН АМЫН САНГИЙН СУУРИН ТӨЛӨӨЛӨГЧ НАОМИ КИТАХАРАГ ХҮЛЭЭН АВЧ УУЛЗЛАА
Цагдаагийн ерөнхий газрын дарга, дотоодын цэргийн командлагч, цагдаагийн хурандаа С.Баатаржав НҮБ-ын Хүн амын сангийн Суурин төлөөлөгч, хатагтай Наоми Китахараг хүлээн авч уулзлаа.
Уулзалтанд ЦЕГ-ын Тэргүүн дэд дарга, цагдаагийн хурандаа Р.Отгонжаргал, ЦЕГ-ын Захиргааны удирдлагын газрын дарга, цагдаагийн хурандаа Б.Бат-Өлзий, Гадаад харилцааны хэлтсийн дарга, цагдаагийн дэд хурандаа Н.Баясгалан, НҮБ-ын Хүн амын сангийн шадар суурин төлөөлөгчийн үүрэг гүйцэтгэгч А.Илиза нар байлцлаа.
Уулзалтын үеэр Цагдаагийн ерөнхий газар болон НҮБ-ын Хүн амын сангаас 2016 оноос эхлэн “Хүйсийн тэгш бус байдалд суурилсан хүчирхийлэл”-тэй тэмцэх чиглэлээр хамтран хэрэгжүүлж буй төслийн явц, үр дүн болон цаашид хамтран хэрэгжүүлэхээр төлөвлөж буй ажлын талаар санал, мэдээлэл солилцож, 2018 онд хамтын ажиллагаагаа улам эрчимжүүлж ажиллахад бэлэн байгаагаа харилцан илэрхийллээ.
