100 жил
ДОТООДЫН ЦЭРГИЙН 805 ДУГААР АНГИЙН БАЙЛДААНЫ ТУГИЙГ ШИЛЖҮҮЛЭН ОЛГОХ ЁСЛОЛЫН АЖИЛЛАГАА ЗОХИОН БАЙГУУЛЛАА
ДОТООДЫН ЦЭРГИЙН 805 ДУГААР АНГИЙН БАЙЛДААНЫ ТУГИЙГ ШИЛЖҮҮЛЭН ОЛГОХ ЁСЛОЛЫН АЖИЛЛАГАА ЗОХИОН БАЙГУУЛЛАА.
Засгийн газрын 2017 оны 280 дугаар тогтоолын дагуу Дотоодын цэргийн 805 дугаар анги байгуулагдсантай холбогдуулан “Дотоодын цэргийн 805 дугаар ангийн байлдааны тугийг шилжүүлэн олгох ёслолын ажиллагаа”-г зохион байгууллаа.
Тугийг Харуулын салбарын захирагч, дэд хурандаа Ж.Батсайхан, тугчаар штабын орлогч, хамгаалалт хариуцсан ахлах офицер, ахмад Г.Мөнхбаяр нар залж, салааны захирагч, ахлах дэслэгч Э.Шинэ-Оргил, ахлах дэслэгч Э.Батбаяр нар хамгааллаа. Энэхүү үйл ажиллагаанд Дотоодын цэргийн штабын дарга, цагдаагийн хурандаа С.Ганбат, 805-р ангийн Ангийн захирагч, дэд хурандаа Ц.Наранбаатар, дотоодын цэргийн үе үеийн ахмадууд болон алба хаагчдын төлөөлөл оролцлоо.
Дотоодын цэрэг нь хуулиар хүлээсэн Улсын онц чухал обьектыг хамгаалах үндсэн чиг үүргийг дагнан гүйцэтгэхээс гадна нийгмийн хэв журам хамгаалах, олон нийтийн аюулгүй байдлыг хангах, гэмт хэрэгтэй тэмцэх, байгалийн гамшиг, хорио дэглэм сахиулахад оролцох, зорчигч, ачаа тээшийг тээврийн замд харгалзан хүргэх, террорист үйлдлийн сөрөг тусгай ажиллагаанд оролцох зэрэг олон талт үүргийг холбогдох мэргэжлийн байгууллагуудад дэмжлэг үзүүлэх үүргийг гүйцэтгэсэн юм.
