1. ӨВӨРХАНГАЙ АЙМГИЙН ӨСВӨРИЙН ЦАГДАА БҮЛГЭМИЙН СУРАГЧИД ЧУУЛЛАА

Өсвөрийн цагдаа бүлгэмийн уулзалтыг 2017 оны 10 дугаар сарын 18-ны өдрийн Арвайхээр суманд зохион байгууллаа. Уулзалтыг нээж, Аймгийн гэр бүл, хүүхэд, залуучуудын хөгжлийн газрын дарга Ж.Энх-Амар, Цагдаагийн газрын замын цагдаагийн тасгийн дарга, цагдаагийн ахлах дэслэгч Д.Гомбосүрэнжав, Боловсрол соёл, урлагын газрын захиргааны удирдлагын хэлтсийн дарга Н.Чимэддорж-Ойдов нар үг хэлэв.

Уулгалтанд Хархорин, Уянга, Арвайхээр сумын ерөнхий боловсролын 11 сургуулийн 100 орчим сурагчид, 11 нийгмийн ажилтан, чиглүүлэгч багш нар оролцлоо.

Чуулга уулзалтанд оролцогчдод Хувь хүний хөгжлийн сургалт, үе тэнгийнхэний дарамт шахалтыг илрүүлэх арга зүй, авах арга хэмжээ, хүүхдээс үйлдэгдэж буй гэмт хэрэг, зөрчил, түүнд хүүхдийн өөрөө удирдах байгууллага эерэгээр нөлөөлөх аргууд, Өсвөрийн цагдаа бүлгэмийн гишүүдийн эрх, үүрэг, нийтлэг алдааны талаар цагдаагийн газрын Гэр бүлийн хүчирхийлэл, хүүхдийн гэмт хэргээс урьдчилан сэргийлэх ахлах мэргэжилтэн, цагдаагийн ахмад Г.Уранбат мэдээлэл хийж, тэдэнд тулгарч буй хүндрэл бэрхшээлийн талаар ярилцаж, гарах арга замыг тодорхойллоо.

Хүүхдийг гэмт хэрэг, зөрчлөөс урьдчилан сэргийлэх ажилд бусдыгаа манлайлан оролцож буй 5 сурагчийг аймгийн цагдаагийн газар, Гэр бүл, хүүхэд, залуучуудын хөгжлийн газрын даргын баярын бичиг, үнэ бүхий зүйлээр шагнаж урамшуулсан байна.