2017 оны 11 дүгээр сарын 05-ны өдрийн 04:00 – 07:00 цагийн хооронд Цагдаагийн ерөнхий газрын Автобаазын “2017 оны сургалтын төлөвлөгөө”-ний дагуу алба хаагчдыг галын хэргийн анхан шатны мэдлэгтэй болгох, гал унтраах аврах үйл ажиллагааг хэрхэн зөв оновчтой зохион байгуулж хүний амь нас, эрүүл мэнд, эд хөрөнгийг хохирол багатай аврах үйл ажиллагааг гүйцэтгэх “Гал унтраах тактикын сургуулилт”-ыг Баянгол дүүргийн Онцгой байдлын хэлтэс, Хан-Уул дүүргийн онцгой байдлын хэлтсийн Гал түймэр унтраах, аврах 14 дүгээр анги, Чингэлтэй  дүүргийн онцгой байдлын хэлтсийн Гал түймэр унтраах, аврах 10 дугаар анги, Нийслэлийн аврах ангитай хамтарч амжилттай зохион байгууллаа.

Сургуулилтын үеэр ашиглалтын 1, 2 дугаар хэсгийн битүү зогсоолд гарсан галын голомтноос автомашинуудыг чирж болон түрж гаргах, ашиглалтын нэгдүгээр хэсгийн гал унтраах гидрантуудыг хэрхэн ажиллуулах, галын хор, галын бүтээлгийг ашиглан гал унтраах. галын голомтноос алба хаагчдыг хэрхэн аварч, эмнэлгийн анхны тусламж үзүүлэх зэрэг алба хаагчдад гал түймэр гарсан үед авах арга хэмжээнүүдийг дадлагажуулав.

            Тус сургуулилтад Автобаазын 208 алба хаагч, Баянгол дүүргийн Онцгой байдлын хэлтсээс 30 албан хаагч, Гал түймэр унтраах, аврах 10,14, нийслэлийн аврах ангиас нийт 20 албан хаагч, 7 гал унтраах автомашин оролцлоо.