"ХУЛГАЙГҮЙ МОНГОЛЫН ТӨЛӨӨ ХАМТДАА" ӨДӨРЛӨГ ЗОХИОН БАЙГУУЛЛАА

Мөрдөн байцаах албаны Хулгайлах гэмт хэрэгтэй тэмцэх газар, Урьдчилан сэргийлэх тасаг, ЦЕГ-ын "Сүлд" чуулгатай хамтран "Хүчит шонхор" худалдааны төвд "Хулгайгүй монголын төлөө хамтдаа" өдөрлөгийг 2017 оны 10 дугаар сарын 06-ны өдөр зохион байгууллаа.

Өдөрлөгийн үеэр алба хаагчид иргэдэд хууль сурталчилж, хууль эрх зүйн зөвлөгөө өгч, Монголын радиогийн "Баянмонгол" чуулгын тэргүүн, "Монголын мал сүргийг гэмт халдлагаас хамгаалах нийгэмлэг"-ийн тэргүүн Д.Цэнгүүнжав Мал сүргийг гэмт халдлагаас хамгаалах, алдсан олдсон малын зарыг хэрхэн түгээх талаар, Чингэлтэй дүүргийн Эрүүл мэндийн нэгдлийн мэргэжилтэн Н.Эрболд Халдварт өвчнөөр өвчилсөн малын мах хүнсэндээ хэрэглэхэд ямар хор уршигтай болох талаар, хүнсний эрүүл ахуйн талаар, "Содном гүндэдлэн" ТББ-ын тэргүүн С.Отгонбаяр Хулгайн гэмт хэргээс цээрлэх ёсны талаар яриа таниулга хийсэн.