Энэхүү сургалтад ЦЕГ, ЭЦА, МБА, ЗЦА, ХЖХГ, ХТТГ, ТЗЦХ, ИАТЦХ, Дүүргүүдийн цагдаагийн хэлтсийн нийт 250 орчим алба хаагч хамрагдаж, БНСУ-ын Ерөнхий прокурорын газрын ахлах мөрдөн байцаагч, Пак Сангү ”Мансууруулах эм, сэтгэцэд нөлөөт бодисын талаарх үндсэн ойлголт, түүний хор хөнөөл, энэ төрлийн бодистой холбоотой гэмт хэргийн цаашдын хандлага” сэдвээр 40 минутын илтгэл, Нийслэлийн Прокурорын Газрын мөрдөн шалгах ажиллагаанд хяналт тавих хэлтсийн хяналтын прокурор Т.Оргил-Очир “Мөрдөн шалгах ажиллагаанд тавих прокурорын хяналт”, ГЕГ-ын Гаалийн зөрчилтэй тэмцэх, хэрэг бүртгэх газрын ахлах байцаагч Б.Сүхбаатар “Мансууруулах эм, сэтгэцэд нөлөөт бодисын хууль бус эргэлттэй тэмцэхэд гаалийн байгууллагаас хэрэгжүүлж буй ажил”, Мөрдөх хэлтсийн дарга, цагдаагийн дэд хурандаа Л.Төгс-Ухаан Монгол Улсын “Мансууруулах эм, сэтгэцэд нөлөөт бодисын хууль бус эргэлттэй холбоотой гэмт хэргийн өнөөгийн нөхцөл байдал, хууль эрх зүйн зохицуулалт” сэдвээр тус тус илтгэл тавив.

Сургалтын төгсгөлд оролцогчдын дунд сургалтын сэдвийн хүрээнд асуулт хариултын тэмцээн зохион явуулж 1-р байранд Хамгаалалтын газрын Төрийн хамгаалалтын хэлтсийн цагдаа, цагдаагийн ахлах ахлагч Ц.Одбаяр, 2-р байранд Хан-Уул дүүрэг дэх Цагдаагийн 2-р хэлтсийн эрүүгийн мөрдөгч, цагдаагийн дэслэгч О.Нямбаяр, 3, 4-р байранд Сонгинохайрхан дүүргийн Цагдаагийн 1-р хэлтсийн мөрдөгч, цагдаагийн ахлах дэслэгч О.Амартайван, Сүхбаатар дүүрэгдэх Цагдаагийн 1-р хэлтсийн мөрдөгч, цагдаагийн дэслэгч О.Батням нар тус тус шалгаран БНСУ-ын ЕП-ын газрын шагналаар шагнагдаж сургалт амжилттай болж өндөрлөлөө.