100 жил
ЦАГДААГИЙН ЕРӨНХИЙ ГАЗРЫН БАГ ТАМИРЧИД МӨНГӨ, ХҮРЭЛ МЕДАЛЬ ХҮРТЛЭЭ
ЦАГДААГИЙН ЕРӨНХИЙ ГАЗРЫН БАГ ТАМИРЧИД МӨНГӨ, ХҮРЭЛ МЕДАЛЬ ХҮРТЛЭЭ
Хууль зүй, дотоод хэргийн сайдын эрхлэх асуудлын хүрээний агентлаг, байгууллагуудын спортын наадам Буянт-Ухаа спортын ордонд энэ сарын 11-14-ний өдрүүдэд амжилттай болж өндөрлөлөө. Жил бүр зохион байгуулдаг энэхүү тэмцээнийг энэ жил Монгол Улсад орчин цагийн архивын байгууллага үүсэж хөгжсөний 90 жилийн ойг угтан Архивын ерөнхий газрын нэрэмжит болгон зохион байгуулсан юм.
Тэмцээнд 11 байгууллагын 320 гаруй тамирчин снукер бильярд, боулинг, сагсан бөмбөг, гар бөмбөгийн төрлөөр хурд, хүч, авьяас, чадвараа сорилоо. Гар бөмбөгийн тэмцээнд Цагдаагийн ерөнхий газрын эрэгтэй баг хүрэл медаль хүртлээ. Мөн снукер бильярдын төрөлд Цагдаагийн ерөнхий газрын баг мөнгөн медаль хүртэж, амжилттай оролцов.
Энэ жилийн тэмцээнд Хууль зүй, дотоод хэргийн яам, Цагдаагийн ерөнхий газар, Хил хамгаалах ерөнхий газар, Шүүхийн шийдвэр гүйцэтгэх ерөнхий газар, Оюуны өмч, улсын бүртгэлийн ерөнхий газар, Архивын ерөнхий газар, Гадаадын иргэн харьяатын газар, Шүүхийн шинжилгээний үндэсний хүрээлэн, Хууль сахиулахын их сургууль, Хууль зүйн үндэсний хүрээлэн болон Хууль зүйн туслалцааны төвийн хамтарсан баг, Төрийн тусгай алба хаагчдын нэгдсэн эмнэлэг гэх 11 багийн тамирчид оролцсон юм.
Багийн нийлбэр дүнгээр тэмцээний гутгаар байрт Архивын ерөнхий газар, дэд байрт Хил хамгаалах ерөнхий газар шалгарсан бол тэргүүн байрт Шүүхийн шийдвэр гүйцэтгэх ерөнхий газар шалгарч шилжин явах цомын эзэн болсон.
