Архивын ерөнхий газрын дэд дарга Г.Билгүүн “Архивын салбар үүсэн байгуулагдсаны 90 жилийн ойг угтаж олон ажил хийж байгаагийн нэг нь энэхүү тэмцээн. Тэмцээнд 11 байгууллагын 320 орчим тамирчин хурд, хүч, авьяас, чадвараа сорьж байна. Сункер бильярд, боулингийн тэмцээн болсон. Гар бөмбөг, сагсан бөмбөгийн тэмцээн хоёр өдөр үргэлжилнэ” гэж ярьсан.

Тэмцээнд Хууль зүй, дотоод хэргийн яам, Цагдаагийн ерөнхий газар, Хил хамгаалах ерөнхий газар, Шүүхийн шийдвэр гүйцэтгэх ерөнхий газар, Оюуны өмч, улсын бүртгэлийн ерөнхий газар, Архивын ерөнхий газар, Гадаадын иргэн харьяатын газар, Шүүхийн шинжилгээний үндэсний хүрээлэн, Хууль сахиулахын их сургууль, Хууль зүйн үндэсний хүрээлэн болон Хууль зүйн туслалцааны төвийн хамтарсан баг, Төрийн тусгай алба хаагчдын нэгдсэн эмнэлэг гэх нийт 11 багийн тамирчид спортын дөрвөн төрлөөр өрсөлдөж, аваргаа тодруулах юм.

Тэмцээний нээлтийн үеэр Хууль сахиулахын их сургуулийн багш нар, сонсогчид болон гардан тулааны спортын бяцхан тамирчид үзүүлэх тоглолт үзүүллээ.

Нийт баг тамирчдадаа амжилт хүсье.