100 жил
ИРГЭДЭД ЗӨВЛӨГӨӨ ӨГӨХ 7032-3-102 УТАС АЖИЛЛАЖ БАЙНА
ИРГЭДЭД ЗӨВЛӨГӨӨ ӨГӨХ 7032-3-102 УТАС АЖИЛЛАЖ БАЙНА
Өвөрхангай аймаг дахь Цагдаагийн газраас Гэр бүлийн хүчирхийлэлтэй тэмцэх тухай хуулийн 25 дугаар зүйлийн 25.1.2-т “Гэр бүлийн хүчирхийллийн мэдээллийг хүлээн авч, шаардлагатай тусламж, зөвлөгөө өгөх, холбон зуучлах утас 24 цагаар ажиллуулах” гэсэн заалтыг хэрэгжүүлж, хүчирхийллийн хохирогч болон иргэнд зөвлөгөө, мэдээллийг 7032-3-102 дугаарын утсаар өгч эхэллээ.
Энэхүү утас ажилласнаар “Гэр бүлийн хүчирхийлэл”-ийн талаар хаана, хэнд, хэзээ, хэрхэн хандахаа мэдэхгүй байгаа иргэдийг мэдээллээр хангаж, хүчирхийллийг даамжруулахгүй байх ач холбогдолтой юм.
Энэхүү утас ажиллаж эхэлснээр 8 иргэнд шаардлагатай тусламж, зөвлөгөө өгч нэг иргэнийг “Хамгаалах байр”-д хүргүүлэхээр аймгийн Гэр бүл хүүхэд, залуучуудын хөгжлийн газарт холбон, зуучлан ажиллаж байна.
