100 жил
"ЦАГДАА" СЭТГҮҮЛИЙН ШИНЭ ДУГААР ХЭВЛЭГДЭН ГАРЛАА
"ЦАГДАА" СЭТГҮҮЛИЙН ШИНЭ ДУГААР ХЭВЛЭГДЭН ГАРЛАА
Цагдаагийн байгууллагын үйл ажиллагааны талаар улирал бүр алба хаагч нарт хүргэдэг "Цагдаа" сэтгүүлийн 2017 оны 1-р улирлын дугаар хэвлэгдэн гарлаа.
Сэтгүүлийн "Дугаарын зочин"-оор Цагдаагийн ерөнхий газрын Хуулийн хэлтсийн ахлах мэргэжилтэн Б.Цэнгэлбаяр уригдаж, цагдаагийн албаны тухай шинэ хуулийн талаар алба хаагчдын сонирхсон нийтлэг асуултад хариулсан. Цагдаагийн албаны тухай хуулийн эх бичвэрийг хүлээн авах ёслол, Цагдаагийн байгууллагын удирдах ажилтны сургалт зөвлөгөөн, "Гэмт хэргээс урьдчилан сэргийлэх ажлын өнөөгийн нөхцөл байдал, цаашид анхаарах асуудлууд" сэдвээр онол практикийн хурал зохион байгуулсан зэрэг онцлог үйл явдлын эргэн тойрон дахь мэдээ мэдээллийг нийтэлсэн.
Мөн эхний улиралд зохион байгуулагдсан онцлог үйл явдлуудыг тоймлон хүргэж, "Түүх-Архив" булангаараа цагдаагийн байгууллагад мөрдөж байсан хууль, дүрмийн тухай бичиж, "Ахлагч бүрэлдэхүүн ярьж байна" буландаа Сүхбаатар дүүргийн цагдаагийн 2-р хэлтсийн 4-р хорооны цагдаа, цагдаагийн ахлах ахлагч Н.Төгсбаярыг онцлов.
Харин "Дугаарын тодруулга" буландаа Гэр бүлийн хүчирхийлэлтэй тэмцэх тухай хууль батлагдсантай холбогдуулан энэ төрлийн гэмт хэргээс урьдчилан сэргийлэх чиглэлээр Цагдаагийн ерөнхий газрын Мэдээлэл нэгтгэн боловсруулах газрын дарга, цагдаагийн хурандаа Ц.Ням-Очироос шинэ хуульд цагдаагийн байгууллага ямар үүрэгтэй болон бусад асуудлын хүрээнд ярилцсан юм.
"Энхийг сахиулагч" буландаа НҮБ, "Африкийн холбоо" хамтарсан "UNAMID" ажиллагаанд цагдаагийн зөвлөхийн үүрэг гүйцэтгэж байгаа цагдаагийн дэд хурандаа В.Отгонбаяртай ярилцаж, "Уран зохиол" буландаа Монгол УLсын Соёлын гавьяат зүтгэлтэн С.Пүрэвийг урьж эргүүлийн цагдаагийн алба хаагчийн талаар бичсэн шинэ романы талаар мэдээлэл бэлтгэлээ.
