100 жил
“ҮЛ ТАСРАХ АЯЛГУУ”-Д ЦАГДААГИЙН АЛБА ХААГЧИД АМЖИЛТТАЙ ОРОЛЦЛОО
“ҮЛ ТАСРАХ АЯЛГУУ”-Д ЦАГДААГИЙН АЛБА ХААГЧИД АМЖИЛТТАЙ ОРОЛЦЛОО
Монголын концертын төвийн захирал Монгол Улсын Ардын жүжигчин, Буриад улсын Соёлын гавьяат зүтгэлтэн Д.Ухнаагийн санаачилгаар “TV-5” телевизээс “Үл тасрах аялгуу” төслийн хүрээнд зохион байгуулсан “Монгол Улсын төлөө зүтгэе” улсын уралдаанд цагдаагийн байгууллагын алба хаагчид амжилттай оролцлоо.
Уралдааны гуравдугаар шат буюу финалын шалгаруулалтад хууль сахиулах болон тусгайлсан чиг үүрэг бүхий байгууллагуудын 21 мөрдэст алба хаагч өрсөлдсөнөөс Эрүүгийн цагдаагийн албаны мөрдөн байцаагч, цагдаагийн ахмад Ц.Баасанжав дэд байрт шалгарч, нийслэлийн Цагдаагийн газрын Урьдчилан сэргийлэх хэлтсийн мэргэжилтэн, цагдаагийн ахмад Б.Саруултуяа тусгай байр эзлэв.
Сүүлийн шатанд цагдаагийн байгууллагаас 10, хил хамгаалах байгууллагаас долоо, онцгой байдлын албанаас, шүүхийн шийдвэр гүйцэтгэх байгууллагаас, Зэвсэгт хүчнээс тус тус нэг алба хаагч шалгаран өрсөлджээ.
Уралдаанд цагдаагийн байгууллагад одоо ажиллаж буй болон ахмад алба хаагчдын төлөөлөл 35 алба хаагч, ажилтан оролцжээ. Тэднээс эхний шатанд 18, дараагийн шатанд 10 алба хаагч, ахмад ажилтан амжилттай өрсөлдөж, сүүлийн шалгаруулалтад тэнцсэн юм.
