Санамж бичигт гарын үсэг зурах үйл ажиллагаанд Цагдаагийн ерөнхий газрын дарга Ө.Энхтөр, тэргүүн дэд дарга, цагдаагийн хурандаа П.Батбаатар, Эрүүгийн цагдаагийн албаны дарга, цагдаагийн хурандаа М.Батсайхан, Мөрдөн байцаах албаны дарга, цагдаагийн хурандаа Д.Наранбаатар, Хэрэг бүртгэх албаны дарга, цагдаагийн хурандаа А.Амгалан, Хуулийн хэлтсийн дарга, цагдаагийн хурандаа Л.Нямдаваа болон Монголын өмгөөлөгчдийн холбооны ерөнхийлөгч Б.Ганбаатар, нийслэлийн Өмгөөлөгчдийн зөвлөлийн дарга Ж.Батзоригт, Монголын Өмгөөлөгчдийн холбооны удирдах зөвлөлийн гишүүн Д.Батсүх Д.Цэндсүрэн зэрэг албаны хүмүүс оролцлоо.

Монголын Өмгөөлөгчдийн холбооны ерөнхийлөгч Б.Ганбаатар “Өнөөдөр онцгой чухал үйл ажиллагаа болж байна. Цагдаагийн ерөнхий газар, Монголын Өмгөөлөгчдийн холбоо хүний эрх, эрх чөлөөг хамгаалах, хангахад хуулийн дагуу хамтран ажиллахаар боллоо. Цагдаагийн албаны тухай хуульд заасны дагуу манай холбооноос эрхлэн гаргадаг “Өмгөөлөгч” сэтгүүлээр дамжуулан цагдаагийн байгууллагын үйл ажиллагааг олон нийтэд мэдээлнэ. Хоёр байгууллага хүний эрхийг хамгаалах талаар хамтран сургалт зохион байгуулах гэх мэтээр хамтын ажиллагаагаа явуулах юм” гэж ярилаа.