“ИРГЭДЭД ОЙР ЭРХ ЗҮЙН ҮЙЛЧИЛГЭЭ” НЭЭЛТЭЙ ӨДӨРЛӨГ БОЛОВ

Хууль зүй, дотоод хэргийн яамнаас 2017 оныг “Иргэдэд ойр, эрх зүйн үйлчилгээний жил" болгох зорилтыг дэвшүүлсэн.

Дорноговь аймгийн ЗДТГ-ын Хууль эрх зүйн хэлтэс, Цагдаагийн газартай хамтран “Иргэдэд ойр эрх зүйн үйлчилгээ” нээлттэй өдөрлөг зохион байгуулжээ.

Өдөрлөгийн үеэр шинэчлэн батлагдсан хууль тогтоомжийг сурталчлан таниулах болон байгууллагын 2017 оны эхний хоёр сард хийж гүйцэтгэсэн ажлыг тайлагнан, иргэдийн санал, хүсэлтийг хүлээн авч эрх, зүйн зөвлөгөө өгчээ.

Нээлттэй өдөрлөгт аймгийн Засаг дарга Т.Энхтүвшин, Сайншанд сумын Засаг дарга С.Одбаяр, Хууль эрх зүйн хэлтсийн дарга Ц.Сансармаа нар болон албаны бусад хүмүүс оролцжээ. “Иргэдэд ойр эрх зүйн үйлчилгээ” нээлтэй өдөрлөгийг улирал бүр зохион байгуулах юм байна