100 жил
АРХАНГАЙ АЙМАГ ДАХЬ ЦАГДААГИЙН ГАЗРЫН БАГ ТҮРҮҮЛЛЭЭ
АРХАНГАЙ АЙМАГ ДАХЬ ЦАГДААГИЙН ГАЗРЫН БАГ ТҮРҮҮЛЛЭЭ
Архангай аймгийн тусгайлсан чиг үүрэг бүхий байгууллагуудын аварга шалгаруулах “Марш тактик”-ийн тэмцээнд тус аймаг дахь Цагдаагийн газрын баг түрүүллээ.
Тэмцээнд Онцгой байдлын газар, Цагдаагийн газар, Шүүхийн шийдвэр гүйцэтгэх алба, Тагнуулын хэлтсийн нийт 7 багийн 56 тамирчин оролцож хурд хүч авхаалж самбаагаа сорьжээ. Хоёрдугаар байрт Онцгой байдлын газар, гуравдугаар байрт Тагнуулын газрын баг тамирчид шалгарчээ.
“Марш тактик”-ийн тэмцээний нэгдүгээр шат жагсаалын үзүүлэх тоглолт, цэргийн дүрмийн мэдлэг, химийн норматив, бие бялдрын бэлтгэлжилт, зэвсгийн норматив төрлөөр болсон байна. Харин хоёрдугаар шатанд автомашины дугуй сольж 50 метр газар түрэх, эмнэлгийн анхны тусламж үзүүлэх, торон саадыг туулах, хордсон газар орон туулах, байр зүйн норматив, гранат шидэх, буудлага, саадтай хэсгийг туулах найман цэгт даалгавар гүйцэтгэж өрсөлджээ.
