УИХ -ын ДАРГА М.ЭНХБОЛД ТӨВ АЙМГИЙН ЦАГДААГИЙН ГАЗРЫН ҮЙЛ АЖИЛЛАГААТАЙ ТАНИЛЦЛАА.

Монгол Улсын Их Хурлын дарга М.Энхболд өчигдөр (2017.03.22) Төв аймгийн цагдаагийн газрын үйл ажиллагаатай танилцлаа. Улсын Их Хурлын дарга М.Энхболдыг дагалдан Улсын Их Хурлын гишүүн, Төрийн байгуулалтын байнгын хорооны дарга Н.Энхболд, Зам, тээврийн хөгжлийн сайд Д.Ганбат, Цагдаагийн Ерөнхий газрын дарга, цагдаагийн хурандаа Ө.Энхтөр болон албаны бусад хүмүүс ажилласан юм.

Монгол Улсын их хурлын дарга М.Энхболдод Төв аймгийн цагдаагийн газрын бие бүрэлдэхүүн жагсаж хүндэтгэл үзүүлэн, Төв аймгийн эрүү хэв журмын нөхцөл байдлыг танилцуулсан юм.
Төв аймгийн нутаг дэвсгэрт 2017 оны эхний 2 сарын байдлаар 146 гэмт хэрэг бүртгэгдсэн нь өмнөх оны мөн үеийнхээс 18 нэгжээр буюу 14,2 хувиар өссөн үзүүлэлттэй. Гэмт хэргийн илрүүлэлт 51,9 хувьтай байна.