Цагдаагийн ерөнхий газрын даргын 2015 оны Б/607 дугаар тушаалаар батлагдсан нэр бүхий 10 алба хаагч Бүгд Найрамдах Турк Улсын Ерөнхий Сайдын дэргэдэх Туркийн хамтын ажиллагаа, зохицуулах агентлаг /ТИКА/-ын дэмжлэгтэйгээр 2015 оны 12 дугаар сарын 21-25-ны өдрүүдэд БНТУ-ын Анкара хотын Цагдаагийн академи дээр зохион байгуулагдсан “Сургалтын хөтөлбөр боловсруулах арга зүй” сэдэвт сургалтад амжилттай хамрагдлаа.

Батлагдсан хөтөлбөр, төлөвлөгөөний дагуу Бүгд Найрамдах Турк Улсын Цагдаагийн академийн профессор багш болон сургагч багш нараас "Сургалтын үнэлгээ, ач холбогдол", "Сургалтын үр дүнг тооцох асуулгын аргын арга, хэлбэр", "Цагдаагийн алба хаагчдад тавигдах шаардлага", "Насанд хүрэгчдийн сургалт, түүний онцлог", "Албаны сургалтын шалгалтын төрөл ба хэлбэр" зэрэг сэдвийн хүрээнд 40 цагийн танхимын сургалт явуулсан.

Сургалтын хөтөлбөрийн хүрээнд БНТУ-ын "Хар тамхи, мансууруулах бодистой тэмцэх сургалтын байгууллага /TADOC/", "Үндэсний цагдаагийн академи", "Мөрдөн байцаах алба", "Албаны нохой сургалтын төв", "Кримналистикийн лаборатори" зэрэг байгууллагын бүтэц, зохион байгуулалт, үйл ажиллагаатай танилцах зэргээр онол, практикийг хослуулсан, манай цагдаагийн байгууллагын хэрэгцээ шаардлагад нийцсэн чухал ач холбогдолтой сургалт боллоо.