Монгол улсын гавьяат жүжигчин, цагдаагийн ахлах дэслэгч Г.Ариунбаатар ОХУ-ын Санкт-Петербург, Москва хотноо зохиогдсон П.И.Чайковскийн нэрэмжит олон улсын дуурийн дуулаачдын уралдаанаас “Гран при” шагнал хүртсэн билээ. П.И.Чайковскийн нэрэмжит олон улсын дуурийн дуулаачдын уралдаан нь дөрвөн жилд нэг удаа зохион байгуулагддаг бөгөөд энэ удаагийн уралдаанд 22 орны 200 гаруй дуучин өрсөлдсөн байна. Олон улсын дуурийн дуулаачдын уралдаанаас Монгол улс анх удаа “Гран при” шагнал хүртэж байна.

Монгол улсын гавьяат жүжигчин, “Сүлд” чуулгын дуучин, цагдаагийн ахлах дэслэгч Г.Ариунбаатарыг эх орондоо ирэх үед “Чингис хаан” Олон улсын нисэх буудал дээр цагдаагийн байгууллагын төлөөлөл ёслол төгөлдөр угтан авсан юм.

Тэрээр “Өнөөдөр” сонинд өгсөн нэгэн ярилцлагандаа “Намайг хүнд хэцүү үед Цагдаагийн “Сүлд” чуулгын дарга, хурандаа Л.Гаваасүрэн дарга тосч авсан. Тэр буянтай хүн, энэ ачтай байгууллагын дэмээр би өнөөдрийн мөрөөдөл, зорилготойгоо учирсан юм” гэж  хэлжээ.

П.И.Чайковскийн нэрэмжит олон улсын дуурийн дуулаачдын уралдаанаас “Гран при” шагнал хүртсэн, Монгол улсын гавьяат жүжигчин, цагдаагийн ахлах дэслэгч Г.Ариунбаатартаа уран бүтээлийн өндөр амжилт хүсье.