"ГАЗАР ХӨДЛӨЛТИЙН ХОР УРШГИЙГ АРИЛГАХ АЗИ, НОМХОН ДАЛАЙН БҮСИЙН ОЛОН УЛСЫН СУРГАЛТ, ДАДЛАГА СУРГУУЛЬ-2015" ЗОХИОН БАЙГУУЛАГДАЖ БАЙНА

Монгол Улсын Засгийн газар , Онцгой байдлын ерөнхий газар, НҮБ-ын эрэн хайх , аврах олон улсын зөвлөлдөх бүлэг /INSARAG-Interational Search and Rescue Advisory Group/ НҮБ-ын Хүмүүнлэгийн хэргийг зохицуулах газрын Монгол улс дахь суурин төлөөлөгчийн газраас "Ази-номхон далайн бүсийн газар хөдлөлтийн хор уршгийг арилгах” сургалтыг 2015 оны 06-р сарын 22-26-ны өдрүүдэд Улаанбаатар хотноо зохион байгуулж байна.

Сургалтын зорилго нь Олон улсын эрэн хайх, аврах зөвлөлдөх бүлгийн гарын авлагад үндэслэн үндэсний болон олон улсын гамшгийг арилгах үйл ажиллагаа хариуцсан удирдах түвшний албан хаагчид, бусад оролцогчид хоорондын үйл ажиллагааны зохицуулалт, үндэсний онцгой байдлын асуудал эрхэлсэн байгууллага, олон улсын гамшгийн голомт дах үйл ажиллагааны төлөвлөлтөд суурилсан олон улсын зохицуулалтын арга барилыг турших, дадлага явуулахад орших юм.
Олон улсын дасгал сургуульд Монгол , Индонез, Шри Ланка, Камбож, Малайз, Тайланд, Филипин, Австрали, БНХАУ, АНУ, Япон, Шинэ Зеланд, ОХУ, Швед, Швейцарь, Арабын нэгдсэн Эмират, Их Британи гэх мэт 30 гаруй орноос 120 гаруй зочид төлөөлөгч, оролцож байна.