ӨНӨӨДРИЙН ОНЦЛОХ МЭДЭЭ

ХУУЛЬ САХИУЛАХ ИХ СУРГУУЛИЙН ЦАГДААГИЙН СУРГУУЛИЙГ "ЦАГДААГИЙН АЖИЛ-ЭРХ ЗҮЙ" МЭРГЭЖЛЭЭР ТӨГССӨН АЛБА ХААГЧИД ТОМИЛОЛТОО ГАРДАН АВЧ, ТАНГАРАГ ӨРГӨЛӨӨ

Хууль сахиулах их сургуулийн цагдаагийн сургуулийг "Цагдаагийн ажил- эрх зүй" мэргэжлээр төгссөн төгсөгчдийг албан тушаалд томилж, цагдаагийн тангараг өргүүлэх ёслолын үйл ажиллагаа Хамгаалалтын 1-р хэлтсийн жагсаалын талбайд боллоо.

Энэхүү үйл ажиллагаанд ЦЕГ-ын дэд дарга, цагдаагийн хурандаа Ж.Буянбат, ЦЕГ-ын дэд бөгөөд дотоод хяналт аюулгүй байдал газрын дарга, цагдаагийн хурандаа Ц.Ням-очир, Олон нийтийн аюулгүй байдлыг хангах албаны дарга, туслах комиссар П.Энхтогтох, Нийтийн хэв журам хамгаалах албаны дарга, туслах комиссар Б.Ганзориг болон төгсөгчдийн ар гэрийн төлөөлөлүүд оролцсон юм. Ёслолын үйл ажиллагааг нээж ЦЕГ-ын дэд дарга Ж.Буянбат үг хэлж, төгсөгчдийг томилох тушаалыг Хүний нөөц, сургалтын хэлтсийн дарга, цагдаагийн хурандаа Б.Бат-Өлзий уншиж танилцуулав.

Тангараг өргөж, томилолтоо өвөртлөн ард иргэдийнхээ амар амгалангийн төлөө ажлын гараагаа эхлэсэн бүх алба хаагч нартаа амжилт хүсье