ГЭР БҮЛИЙН ХҮЧИРХИЙЛЛЭЭС УРЬДЧИЛАН СЭРГИЙЛЭХ ЧИГЛЭЛЭЭР ОЛОН НИЙТИЙН ЦАГДАА НАРТ  СУРГАЛТ ЯВУУЛЛАА.

2015 оны 4 дүгээр сарын 10-ны өдрийн 11.00-15.00 цагт Нийслэлийн хэмжээнд ажил, үүрэг гүйцэтгэж байгаа 147 Олон нийтийн цагдаагийн ажилтнуудыг хамруулсан “Гэр бүлийн хүчирхийлэлээс урьдчилан сэргийлэхэд Олон нийтийн цагдаагийн ажилтны үүрэг, оролцоо” сэдэвт сургалтыг зохион байгууллаа.
Сургалт нь Цагдаагийн албаны тухай болон бусад холбогдох хууль тогтоомж, МУ-ын Засгийн газраас баталсан хөтөлбөрийн хэрэгжилтийг хангах, Гэр бүлийн хүчирхийллээс урьдчилан сэргийлэх ажлын хүрээнд олон нийтийн цагдаагийн ажилтныг чадавхжуулах, баг, хорооны хүчирхийллийн чиглэлээр ажилладаг “Хамтарсан баг”-тай хамтран ажиллах ур чадварыг нэмэгдүүлэх зорилготой.

ОНЦХАТ-ийн Хүний хөгжил, соён гэгээрүүлэх ажил хариуцсан мэргэжилтэн, сэтгэл зүйч Б.Нямцэцэг “Гэр бүлийн хүчирхийлэл, хүчирхийлэл үйлдэгчийн зан үйлд нөлөөлөх нь”, УБХЦГ-ын ГБХХЭГХУСХ-ийн Мэдээлэл сурталчилгаа хариуцсан ахлах мэргэжилтэн, цагдаагийн хошууч Ц.Энхтуяа “Хамтарсан баг, Олон нийтийн цагдаагийн ажилтны ажлын уялдаа холбоо”, Хүчирхийллийн эсрэг үндэсний төвийн сэтгэл зүйч Э.Түвшинжаргал “Гэр бүлийн хүчирхийллийн хохирогчтой ажиллах нь” сэдвээр тус тус сургалт нар явууллаа. Багш нар сургалтын дараа оролцогчдоос санал хүсэлтийг авч, тэдний сонирхсон асуултад хариулж, зөвлөгөө өгч ажиллав.