Цагдаагийн ерөнхий газрын Сургалтын төвд Замын цагдаагийн газрын зохицуулагч цагдаагийн ажлыг идэвхи зүтгэлтэй гүйцэтгэж, бусдыгаа хошуучлан ажилласан ахлагч нарыг офицерийн бүрэлдэхүүнд дэвшүүлэн ажиллуулах чиглэлээр 25 алба хаагчдыг Замын цагдаагийн офицер албан тушаалын сургалтад амжилттай хамрууллаа

Уг сургалтаар “Цагдаагийн байгууллагын үйл ажиллагааны эрх зүйн үндэс”, “Хүний эрхийг хангах ажиллагаа”, “Цагдаагийн алба хаагчийн харилцааны соёл, ёс зүй”, “Гэмт хэрэг, зөрчлийг шалгах хойшлуулшгүй ажиллагааны ур чадвар”, “Хөдөлгөөний аюулгүй байдлын эсрэг гэмт хэрэг, зөрчлийн үед ажиллах арга тактик”, “Цагдаагийн байгууллагын эрэн сурвалжлах ажиллагаа” зэрэг сэдвээр танхимын болон дадлага ажлын 4,5 кредит цагийн хичээлийг мэргэшсэн алба хаагч нараар заалгаж 2016 оны 04 дүгээр сарын 04-ний өдрөөс 05 дугаар сарын 05-ны өдрүүдэд зохион байгууллаа.