Монгол Улсад орчин цагийн Зэвсэгт хүчин үүсэн байгууллагдсаны 95 жилийн ойг тохиолдуулан ОХУ-ын нийслэл Москва хотод Үндэсний аюулгүй байдлыг хангах тусгайлсан чиг үүрэг бүхий байгууллагуудын нэр дээр суралцаж буй офицеруудын дунд зохион байгуулсан сагсан бөмбөгийн тэмцээн боллоо.

Тэмцээнд Цагдаагийн ерөнхий газар, Шүүх шинжилгээний албаны захиалгаар ОХУ-ын ДХЯ-ны Удирдлагын академи, Цагдаагийн их сургуульд суралцаж буй Цагдаагийн дэд хүрандаа Б.Ганзориг, Ц.Анхбаяр, Д.Цэдэвсүрэн, Б.Түвшинжаргал, ахлах дэслэгч Д.Бат-Өлзий, Э.Нямцолмон нар амжилттай оролцож “Дэд байр” эзэлж мөнгөн медаль, өргөмжлөл, мөнгөн шагнал, Цагдаагийн ахлах дэслэгч Д.Бат-Өлзий шилдэг тоглогчоор шалгарч тус тус шагнагдсан байна.

Улс орныхоо болон байгууллага хамт олныхоо нэр хүндийг өндөрт өргөсөн эдгээр алба хаагч нарт шагналыг ОХУ-д суух Батлан хамгаалахын атташе бригадын генерал С.Энхбаатар гардуулан өгч амжилт хүссэн байна.