Уг сургалтаар “Шинээр батлагдсан Эрүүгийн хуулийн үзэл баримтлал”, “Гэр бүлийн хүчирхийлэлтэй тэмцэхэд цагдаагийн алба хаагчдын анхаарах асуудал”, “БНСУ-ын хэрэг мөрдөх арга тактик, туршлага”, “Багаар ажиллах арга зүй”, “Галдан шатаах гэмт хэргийн үед хэргийн газрын үзлэг хийх, хэргийн газраас дээж авах”, “Хэрэг бүртгэх, мөрдөн байцаах ажиллагаанд анхаарах асуудлууд”, “Төрийн албан хэрэг хөтлөлт”,” Архинд донтох өвчтэй хүмүүстэй ажиллах арга зүй”, “Цогцсонд илрэх шинж тэмдэг, анхаарах асуудал, ДНК-ийн шинжилгээгээр хохирогч, сэжигтэн, яллагдагчийг таних”, “АСЕМ-ийн дээд хэмжээний уулзалт, сонгуулийн үеийн хамгаалалт зохион байгуулах бэлтгэл ажлын хүрээнд авч хэрэгжүүлж буй арга хэмжээ, цаашид анхаарах асуудлууд”, “Цэргийн хэргийн бэлтгэл”, “Нүүрэлдүүлэн байцаах, шүүх эмнэлгийн шинжээчийн дүгнэлт гаргуулахад тавих асуултуудын талаар”, “Цагдаагийн ажилтны ёс зүй, соёл” зэрэг хичээлүүдийг шүүх шинжилгээний үндэсний төв, Гэмт хэрэгтэй тэмцэх алба, Онцгой байдлын ерөнхий газар, Хууль сахиулахын их сургууль, Улаанбаатар хотын цагдаагийн газрын ёс журмын хэсгээс алба хаагчдад хичээл сургалтыг орлоо.

Энэ удаагийн сургалтад Улаанбаатар хотын цагдаагийн газрын дүүргүүд дэх цагдаагийн хэлтсийн 1, 2, 3 дугаар хэлтсийн хэрэг бүртгэгч нийт 30 алба хаагч хамрагдлаа.

Хэрэг бүртгэгч нарт Улсын ерөнхий прокурорын газрын Сургалт, судалгааны төв, Онцгой байдлын ерөнхий газар, Шүүх шинжилгээний үндэсний хүрээлэн, Бүгд найрамдах Солонгос Улсын “Койка” төслийн байгууллага, Цагдаагийн ерөнхий газрын хуулийн хэлтэс, Гэмт хэрэгтэй тэмцэх алба, Улаанбаатар хотын цагдаагийн газрын ёс журмын хэсэг, Хууль сахиулахын их сургуулийн багш, мэргэжилтэнгүүд хичээл заасан ба 3 хоногийн 24 багц цагийн сургалтыг орсон юм.

2016 оны 09 дүгээр сарын 01-ний өдрөөс Эрүүгийн шинэ хуулийг хэрэгжүүлэх болсонтой холбогдуулан хэрэг бүртгэгч нарыг чадавхжуулах, тэдний ур чадварыг дээшлүүлэх, шинэ хуулийн орчинд ажиллаж чаддаг болгох зайлшгүй шаардлага урган гарч байгаатай холбогдуулан тэдний хэрэгцээ шаардлагад нийцүүлсэн 3 хоногийн модулын /багц/ хөтөлбөрийг амжилттай зохион байгуулан ажиллалаа.