ЦАГДААГИЙН БАЙГУУЛЛАГЫН АЛБА ХААГЧИД ДЭД БАЙРАНД ШАЛГАРЛАА.

Үндэсний аюулгүй байдлыг хангах тусгайлсан чиг үүрэг бүхий байгууллагуудын удирдах бүрэлдэхүүний дунд нөхөрсөнг уулзалт тэмцээн боллоо
Тэмцээнийг үндэсний аюулгүй байдлыг хангах тусгайлсан чиг үүрэг бүхий байгууллагуудын удирдлагын нэгдмэл үйл ажиллагааг бэхжүүлэх, бие бялдрын бэлтгэжилтийг дээшлүүлэх, чөлөөт цагийг зөв боловсон өнгөрүүлэх, биеийн тамир, спортын үр нөлөө, ач холбогдолыг нэмэгдүүлэх зорилгоор гар бөмбөг, билльярд, буудлагын төрлөөр зохион байгууллаа.

Энэхүү тэмцээнд Батлан хамгаалах яам, Зэвсэгт хүчний жанжин штаб, Хил хамгаалах Ерөнхий газар, Цагдаагийн Ерөнхий газар, Онцгой байдлын ерөнхий газар, Тагнуулын ерөнхий газар, Шүүхийн шийдвэр гүйцэтгэх ерөнхий газар, Тахарын ерөнхий газруудын алба хаагчид оролцсон юм.
Тэмцээнийг Зэвсэгт хүчний “Алдар” спорт хороо, Хужирбулан дахь буудлагын талбай, “Агора” билльярдын төвд зохион байгуулж явууллаа. Цагдаагийн Ерөнхий газрын алба хаагчид буудлагын төрөлд тэргүүн байранд шалгарч алтан медаль, билльярдын төрөлд дэд байранд шалгарч, мөнгөн медаль хүртэн, багийн дүнгээрээ хоёрдугаар байранд шалгарсан байна.

Амжилттай оролцсон бүх алба хаагч нартаа ажлын амжилт хүсье