Цагдаагийн байгууллагын 2014 оны санхүүгийн нэгтгэсэн тайланд Үндэсний аудитын газраас шалгалт хийж нийт 26 байгууллага хамрагдсан.

Санхүүгийн тайланг баталгаажуулах аудитаар  шалгагдсан 26 байгууллага нь “Зөрчилгүй” санал дүгнэлт авч нийт  66 асуудлаар 4,898.8 сая төгрөгийн алдаа, зөрчил илэрч, 13 асуудлаар 4,524.4 сая төгрөгийн алдаа, зөрчлийг аудитын явцад залруулсан.

Аудитаар нийт 14,1 сая төгрөгийг нөхөн төлүүлэх 7 төлбөрийн акт тогтоож, 100,7 сая төгрөгийн зөрчлийг арилгах 7 албан шаардлага, 62 асуудлаар зөвлөмж  цагдаагийн байгууллагад ирүүлсэн . Аудитийн газраас хийсэн   шалгалтын дүн болон Цагдаагийн  байгууллагын 2014 оны жилийн эцсийн санхүүгийн тайланг Санхүү хангамжийн  газрын даргын зөвлөлийн  2014 оны 4 дүгээр сарын 17-ны өдрийн хурлаар хэлэлцүүлж  төсөв захирагч, нягтлан бодогч нарын ажлыг  дүгнэсэн.

 Санхүүгийн аудитын шалгалтын дүн, акт, албан шаардлага, өгөгдсөн зөвлөмжийн нэгтгэлийг тус тус гаргаж,  зөвлөмжийн мөрөөр хийх ажлын төлөвлөгөөг хийн Санхүү, хангамжийн газрын даргаар батлуулан биелэлтэд хяналт тавьж ажиллаж байна.

Төв, орон нутгийн цагдаагийн газар, хэлтсийн 40 байгууллагад аудитын шалгалтаар илэрсэн зөрчил, цаашид анхаарах асуудлын талаар зөвлөмж бичиж хүргүүлэв.

Санхүүгийн аудитын   шалгалтын дүн болон Цагдаагийн  байгууллагын   2014 оны жилийн эцсийн санхүүгийн тайланг Цагдаагийн ерөнхий газрын харьяа болон Улаанбаатар хотын Цагдаагийн хүрээний ахлах нягтлан бодогч нарт танилцуулан хэлэлцүүлэх хурлын үеэр зохион байгуулсан сургалтанд  “2014 оны санхүүгийн тайлангийн аудитаар илэрсэн зөрчил, цаашид анхаарах асуудал” сэдвээр мэдээлэл хийж ярилцлаа.   

  Аудитын зөвлөмжийн мөрөөр хийх ажлын төлөвлөгөөг энд дарж үзнэ үү.