Баян-Өлгий аймгийн цагдаагийн газар аймгийн удирдлагадаа 2014 оын ажлаа тайлагнажээ.

Тус Цагдаагийн газраас 2014 онд хийж бүтээсэн ажил, авч хэрэгжүүлсэн арга хэмжээний тайланг Цагдаагийн газрын дарга, цагдаагийн хурандаа М.Батболд, Цагдаагийн газрын дэд бөгөөд ГХТТ-ийн дарга, цагдаагийн дэд хурандаа Н.Ууганбаяр, Олон нийттэй харилцах ажил хариуцсан ахлах байцаагч, цагдаагийн хошууч Ж.Жанболат нар аймгийн удирдлагуудад тайлагнаж, цаашид хийхээр төлөвлөж буй ажил, авч хэрэгжүүлэх арга хэмжээг танилцуулсан бөгөөд аймгийн удирдлагууд Цагдаагийн газрын 2014 оны үйл ажиллагаанд “Хангалттай сайн” гэсэн үнэлгээ өглөө.

     Харин  2015 онд  дараах асуудлуудыг шийдвэрлэхээр болжээ.

1. Тус аймгийн төвийг 2014 онд улсын төсвийн хөрөнгө оруулалтаар теле хяналтын нэгдсэн системд холбож байгаа тул хяналтын төв буюу төв сервирт ажиллах 4 оператор, 1 холбооны инженерийн ажлын байрыг шинээр бий болгож, орон тоог батлуулах талаар холбогдох эрх бүхий байгууллага, албан тушаалтанд санал хүргүүлж, шийдвэрлүүлэх.

2. Хүн амын нягтрал, эрүүгийн болон хэв журмын нөхцөл байдлыг харгалзаж Дэлүүн суманд Цагдаагийн хэсэг, Цэнгэл суманд Цагдаагийн тасаг байгуулах асуудлыг шийдвэрлүүлэх.

3. Аймгийн төвд орж, гарах 2 чиглэлд хяналтын пост байрлуулах, түүнд ажиллах хүн, техник хэрэгслийн санхүүжилтийг шийдвэрлэх.

4. Хөдөө сумдад гэмт хэрэг үйлдэгдсэн газарт түргэн шуурхай хүрэлцэн очиход замын нөхцөл байдал /уул, хад, чулуу/ муугаас цаг хугацаа алдах, холбогдогчийг саатуулах ажилд хүндрэл учирч байгаа тул туулах чадвар сайтай автомашин худалдаж авах.

5. Теле камерийн систем суурилуулах үйл ажиллагаатай холбогдуулан урсгал зардалын эх үүсвэрийг шийдвэрлүүлэх. /Цахилгааны зардал гэх мэт /

6. Аймгийн Засаг даргын 2012-2016 оны үйл ажиллагааны хөтөлбөрийн 3.3.9-д заасны дагуу Гэр бүлийн хүчирхийлэлтэй тэмцэх, хүүхдийг гэмт хэргээс урьдчилан сэргийлэх ажлыг эрчимжүүлэх үүднээс “Хүүхэд хамгааллын төв” байгуулах хөрөнгийг шийдвэрлэх.