ӨМНӨД СУДАН УЛСАД ҮҮРЭГ ГҮЙЦЭТГЭЖ БАЙГАА АЛБА ХААГЧ НАРААС ШИНЭ МЭДЭЭЛЭЛ ИРЛЭЭ

Цагдаагийн байгууллагын алба хаагчид БНӨСУ-ын Юнити мужид НҮБ-ын мандатын дагуу нутгийн иргэд болон орон гэрээсээ дайжсан хүмүүс, НҮБ-ын ажилтан, албан хаагчдын аюулгүй байдлыг хангах талаар даалгасан үүргийг амжилттай гүйцэтгэж байгаа сайхан мэдээлэл ирлээ.
Тэд эх орон, байгууллага, хамт олныхоо итгэл найдварыг биелүүлж, бусад орны цэргийн алба хаагчдад үлгэр дуурайлал үзүүлж байгааг НҮБ-аас өндрөөр үнэлж Непалын цэргийн багаас ЦЕГ-ын ОНАБХГ-ын Хамгаалалтын III газрын хүний нөөцийн ахлах мэргэжилтэн, цагдаагийн ахмад Э.Баярсайхан, ХУД-ийн Цагдаагийн II хэлтсийн мөрдөн байцаагч, цагдаагийн ахмад Ц.Баасанжаргал нарт баярын бичиг, дурсгалын зүйл гардуулсан байна.
Цагдаагийн ахмад Э.Баярсайхан нь өнгөрсөн 11 дүгээр сард ажил хөдөлмөрөөрөө бусдыг манлайлж ажилсныг нь цэргийн багийн удирдлага өндрөөр үнэлж “албаны үүргээ үлгэр жишээчээр биелүүлж байгаа тухай ар гэр, ажиллаж байсан газарт нь талархлын захидал” илгээжээ.
Өнгөрсөн хугацаанд Цэргийн багаас зохион байгуулсан соёл хүмүүжил, урлаг спортын уралдаан, тэмцээнд манай алба хаагч нар маань идэвхитэй оролцон "South Sudan Mister-2014" тэмцээнд Сонгинохайрхан дүүргийн цагдаагийн III хэлтсийн хэсгийн байцаагч, цагдаагийн ахмад Т.Ганболд 80 кг-ийн жиндээ түрүүлэн "Шилдгийн шилдэг тамирчин"-аар шалгарч, шилжин явах цом, алтан медалиар энгэрээ мялаажээ. Мөн IV мотобуудлагын батальоноос зохион байгуулсан сагсан бөмбөгийн тэмцээнд Завхан аймгийн цагдаагийн газрын Саатуулах байрны цагдаа, цагдаагийн ахлах ахлагч Б.Анхболд ахлагчтай баг 2-р байранд шалгарч, мөнгөн медалиар шагнагдсан байна.CБД-ийн Цагдаагийн I хэлтсийн мөрдөн байцаагч, цагдаагийн ахмад С.Баярбилэг цахилгаан хөгжмийн хамтлагт дуучин, гитарчинаар авъяас билгээ бусдадаа түгээж байна.
Энхийг сахиулах ариун үйлсдээ манай алба хаагч нар маань ажил хөдөлмөрийн өндөр амжилтаар шинэ оноо угтаж байна.