ОЛОН НИЙТИЙН АЮУЛГҮЙ БАЙДЛЫГ ХАНГАХ ГАЗРЫН, ХАМГААЛАЛТЫН ГАЗРЫН ТУСГАЙ ХАМГААЛАЛТЫН ХЭЛТСИЙН АЛБА ХААГЧИД ОЙ, ХЭЭРИЙН НӨХЦӨЛД САМНАЛТ, ДАДЛАГА, СУРГАЛТ ЗОХИОН БАЙГУУЛЛАА

Хамгаалалтын газрын даргын 2014 оны 12 дугаар сарын 15-ны өдөр баталсан төлөвлөгөөний дагуу Албаны бэлэн байдал, түргэн цугларалт, алба хаагчдын бие бялдарын бэлтгэлжилт, үүрэг гүйцэтгэх ур чадвар, авхаалж самбааг сайжруулах, ой, хээр, бартаа, саадтай нөхцөлд багаар хэрхэн ажиллах, ажлыг зохион байгуулхад чиглэгдсэн дадлага, сургалтыг 2014 оны 12 дугаар сарын 17-ны шөнийн 03.25-аас оройн 18.45 цагийн хооронд зохион явууллаа.
.
Түргэн цуглралтаар дадлага, сургалтад ирсэн алба хаагчдын албаны бичиг баримт, энгэрийн тэмдэг,өвлийн хувцасны үзлэг, аранзны иж бүрдэлд /эмийн сан, ариун цэврийн хэрэгсэл, станц, гар чийдэн, нөөц зай, 3 хоногийн хүнс/ зэргийг шалган дадлага, сургалтаа эхлүүлхээр авто машины цуваагаар
Баянзүрх дүүргийн 11 дүгээр хорооны нутагт байрлах Шүүхийн шийдвэр гүйцэтгэх газрын харъяа “Төр хурх” амралтын баазд 6.20 цагт очин нэгдэж хэлтсийн даргаас үүрэг чиглэл, аюулгүйн зааварчлагааг өгч, алба хаагчдийг явган маршийн цуваагаар 7,8 км газарт байрлах гарааны цэг рүү хөдөлж, 25 дугаартай тэмдэгт модны захаас гараагаа эхлэсэн юм. Цэцээ гүний ноён оргил хүртэлх 5.4 км зайтай замд 50 метрийн өргөнтэйгөөр гинжинд тарж замын дунд өгөгдсөн “Шархадсан хүнийг самналтаар эрж олон эмнэлгийн анхан шатны тусламжыг үзүүлэх” даалгаварыг гүйцэтгүүлсэн байна.
Уг хээрийн сургалтанд даалгаварыг гүйцэтгэж ажилсан байдал, гараанаас бариа хүртэлх зайд богино хугацаагаар туулсан байдлаар нь дүгнэхэд
1 дүгээр байрт цагдаагийн хошууч Н.Олонбаяр даргатай 4 дүгээр хэсэг, 2 дугаар байрт цагдаагийн хошууч Д.Баттулга даргатай 3 дугаар хэсэг шалгарсан байна. Мөн энэ үеэр Цэцээ гүний ноён оргилд хэсгүүдийн алба хаагчид хээрийн хоол бэлдэх тусгай даалгаварыг гүйцэтгэж, ноён оргилын ойр орчимын цэвэрлэгээг хийж хоггүй болгожээ.

Цэцээ гүний ноён оргилоос буцаад “Төр хурх” амралтын бааз хүртэл 13,2 км замыг туулан ирж авхаалж, самбаа шалгасан хөгжөөнт спорт тоглоом зохион амарч түрүүлсэн алба хаагчдаа шагнан урамшуулж нэгэн өдрийг спорт тоглоом, дадлага, сургалт, хээрийн гаралт, хээрийн хоолтойгоор бие бялдар авхаалж самбаа, тэсвэр хатуужил шалгасан ажил зохион байгууллаа.