Цагдаагийн байгууллагын төрийн тусгай албан тушаалд анх орох иргэний сонгон шалгаруулалтад тэнцсэн 57 иргэн Сургалт, дадлагын төвийн Хээрийн сургалтын хэсэгт цагдаагийн мэргэжлийн сургалтад 2014 оны 10 дугаар сарын 27-ний өдрөөс эхлэн суралцаж байгаа билээ.

Сургалтын төлөвлөгөөгөөр дээрх иргэдэд Цагдаагийн байгууллагын болон Хууль зүйн салбарын шинэчлэлийн бодлого, чиглэл, эрх зүйн зохицуулалт, цагдаагийн алба хаагчдын дагаж мөрдөх ёс зүйн хэм хэмжээ, харилцааны соёл, ёс зүй, албан хэрэг хөтлөлт, цагдаагийн ажил мэргэжлийн онцлог, иргэд байгууллагатай хамтран ажиллах зэрэг ажил, мэргэжилд шаардагдах мэдлэг, чадвар олгох хичээлүүдийг төлөвлөн явуулж байгаа юм.

Цагдаагийн алба хаагчдаас иргэдэд үйлчилгээ, эмнэлгийн анхан шатны тусламж үзүүлэх, гэмт этгээдийг баривчлах, бусдын аюулгүй байдлыг хангах, тусгай хэрэгсэл, сэх хэрэглэх, техник хэрэгсэл ашиглах дадал, чадварыг эзэмшүүлж, 3 сарын хугацаанд мэргэшсэн, чадварлаг алба хаагчийг бэлтгэхээр зорин ажиллаж байна