Халуун зэвсэг хадгалж, хэрэглэж байна гэдэг танд бас нэг том хариуцлага ногдож байна. Харин та жилдээ ганцхан удаа явагддаг нэгдсэн тооллогодоо хамрагдаж амжсан уу? Галт зэвсгээр гэмт хэрэг үйлдэхээс урьдчилан сэргийлэх, таслан зогсоох, илрүүлэх, галт зэвсэг, сумны хууль бус наймааг таслан зогсоох, нуугдмал, бүртгэлд хамрагдаагүй галт зэвсгийг бүртгэн авч, гэрчилгээжүүлэх Зэвсэг-2014 үйл ажиллагаа олон талын үр дүнтэй.

2014 он гарсаар галт зэвсэг ашиглан 22 гэмт хэрэг үйлдэгдсэн. тоо баримт байна. Үүнээс хүний амь нас хохирсон хоёр, хүн гэмтсэн тав, хууль бусаар авч явсан хоёр, галт зэвсэг ашиглан танхайн гэмт хэрэг үйлдсэн, мал хулгайлах гэмт хэргийг галт зэвсэг ашиглан үйлдсэн нэг, хууль бус бусаар ан агнасан 10-н тохиолдол цагдаагийн байгууллагад бүртгэгдсэн. Энэ цөөн тоо гэж үү?
Харин өнгөрсөн онд 37 гэмт хэрэг үйлдэгдсэн байдаг. Хүний амь нас хохирсон 6, хүн гэмтсэн хоёр, галт зэвсэг ашиглан дээрмийн гэмт хэрэг үйлдсэн нэг, танхайрах гэмт хэрэг үйлдсэн нэг, мал хулгайлах гэмт хэрэг үйлдсэн хэрэг гурав, хууль бусаар ан агнасан 16-н гэмт хэрэг гарч байсан тухай та бүхэнд мэдээлж байсан.
Та галт зэвсэгтэй л бол бүртгүүлэх, гэрчилгээжүүлэх ёстой гэсэн үүргээ биелүүлэхээ иргэд та бүхэн бүү мартаарай. Харин та иргэний үнэмлэх, бууныхаа гэрчилгээтэй ирэхэд л хангалттай. Олон жил бүртгүүлээгүй, өвлөгдөж ирсэн, бэлгэнд авсан буугаа одоо бүртгүүлэх юм бол хариуцлага тооцуулна, арга хэмжээ авуулна, хоригдоно баригдана гэж санаа зовних хэрэггүй. Үүргээ ухамсарлан энэ үйл ажиллагааны хүрээнд амжиж бүртгүүлэхийг цагдаагийн байгууллагаас анхааруулж байгаа. Харин бүртгүүлээгүй, нууж далдлан, хууль бус үйл ажиллагаа явуулахыг завдсан тохиолдолд та эрүүгийн хариуцлага хүлээхийг хуулиар заасан байдаг.
Одоогийн байдлаар зөвхөн Улаанбаатар хотын хэмжээнд 13190 ширхэг галт зэвсэг иргэн, хуулийн этгээдэд бүртгэлтэй байгаагаас эхний 14 хоногийн байдлаар 3284 галт зэвсэг бүртгэгдээд байна. Үлдсэн 19 хоногт амжиж галт зэвсгээ бүртгүүлэхийг бид ӨНӨӨДРИЙН СЭДВЭЭРЭЭ онцоллоо.