Орхон аймгийн цагдаагийн газар нь оршин суугчдын аюулгүй байдлыг хангах орчин нөхцөлийг бүрдүүлэхзорилгоор гэмт хэрэг, зөрчил ихээр гардаг төв суурин газар, гудамж талбайг судлан бүхэлд нь телекамерын хяналттай болгох санал боловсруулан аймгийн удирдлагуудад танилцуулсан.

     Тус аймгаас сонгогдсон Улсын их хурлын гишүүд саналыг дэмжиж теле камерын хяналтын төв байгуулахад 2011 онд 1 тэрбум 500 сая төгрөгийн төсөв,хөрөнгийг шийдэж өгсөнөөр “ Орхон аймгийн гэр хороолол болон хотын гэрэлтүүлэг, гэмт хэргээс урьдчилан сэргийлэх хяналтын камержуулалт” тендерд шалгарсан “ТOБ групп”, “Межикнет ХХК” нь Эрдэнэт хотын 110 цэгт теле хяналтын 125 камер суурилуулан төслийг хэрэгжүүлж 2013 оны 03 дугаар сарын 06-ны өдөр ашиглалтанд хүлээн авч цагдаагийн газарт хүлээлгэн өгөв.

    Анх хөдөө, орон нутгаас Дархан-Уул аймагт теле камерын нэгдсэн төв байгуулагдсан бол Орхон аймаг телекамерын нэгдсэн төвтэй болж, Булган аймаг теле камерын төв байгуулахаар ажиллаж байна.

    Гудамж талбайд суурилуулсан хөдөлгөөнт камер нь: Samsung брендийн SNP-3371TH маркын камер бөгөөд 37х –р татаж харах, гадаа -50⁰С–ээс +50⁰С –ийн темпратурын хооронд ажиллах чадвартай, 1 камерын хяналтыг нэгэн зэрэг 10 хэрэглэгч зэрэг хандан хянах боломжтой, 4,6 кг жинтэй, компьютерийн бүх үйлдлийн системийг дэмждэг камер юм.

    Хөдөлгөөнгүй камер нь: High Definition 1080 дүрсний нягтралтай, Samsung брендийн SNV-7080R маркын камер, гадаа -40⁰С-ээс +50⁰С темпратурын хооронд ажиллах чадвартай, 1 камерын хяналтыг нэгэн зэрэг 10 хэрэглэгч хандах боломжтой, 1,4 кг жинтэй, компьютерийн бүх үйлдлийн системийг дэмждэг камер байна.