Цагдаагийн байгууллагын үе үеийн алба хаагчдын залгамж халаа, эрх зүйн шинэчлэлийн түүхэн цаг үед албан үүргээ нэр төртэй биелүүлж байгаа алба хаагч та бүхэндээ үйл ажиллагааныхаа  хүрээнд зохион байгуулагдсан томоохон ажлуудыг тоймлон хүргэдэг “Цагдаа” эмхтгэлийнхээ  шинэ дугаарыг хүргэж  байна.

Энэ удаагийн дугаараар бид МУ-ын Хууль зүйн сайдын тушаалаар Цагдаагийн Ерөнхий газрын шинэ бүтэц зохион байгуулалт хэрхэн  хийгдсэн, “Иргэний зөвлөл”, “Олон нийтийн цагдаа”, “”Ухаалаг цагдаа”, “Оюутан цагдаа”, “Shool police”  хэрхэн ажиллаж байгаа,  ХЗЯ-аас зохион байгуулсан “Нээлттэй хаалганы өдөрлөг”-ийн эргэн тойронд, Цагдаагийн байгууллагын алба хаагчдын авлига хээл хахуульгүй хамт олон болох уриалга гарган хийж байгаа ажлуудын талаарх дэлгэрэнгүй мэдээллийг нийтлэлээ.

Энэ удаагийн дугаарын зочноор  ЦЕГ-ын Сургалт дадлагын төвийн дарга цагдаагийн хурандаа  С.Отгонбаатар уригдаж  цагдаагийн алба хаагчдын давтан болон мэргэшүүлэх сургалтыг хэрхэн зохион байгуулж байгаа талаар ярилцлага өгсөн юм.

Дугаар бүхнээрээ дамжуулан та бүхнийхээ нийтлэг асуултанд хариулж, шинэлэг бүхнийг хүргэхийг зорьдог эмхтгэлдээ “Лицензийн төв”-ийн өдөр тутмын үйл ажиллагаа иргэдэд хэрхэн хүрч байгаа, хувийн ашиг сонирхлын мэдүүлэг болон хөрөнгө орлогын мэдүүлгийг мэдүүлэхэд анхаарах асуудлууд, өвлийн хувцасны хангалт хэрхэн олгогдох, Өмнөд Судан улсад амжилттай үүрэг гүйцэтгэж ирсэн алба хаагчдын дурсамж, цагдаагийн байгууллагад нохойн алба үүсэн байгуулагдсны 70-н жилийн ой, Сэлэнгэ аймгийн цагдаагийн байгууллагын 90-н жилийн ойн түүхэн тэмдэглэлт өдрүүдийн фото сурвалжлага зэрэг мэдээллүүдийг ч мөн багтаасан юмаа.

Харин алба хаагчдынхаа сонирхон унших дуртай “Уран зохиол буланд” МЗЭ-ийн гишүүн, яруу найрагч Н.Болорцэрэнгийн бүтээлээс хүргэж, Төрийн соёрхолт, Ардын уран зохиолч, МУСГЗ Б.Лхагвасүрэнтэй хийсэн “ХҮН ТӨР ХОЁРТОО ЭН ТЭНЦҮҮ ХУВААГДСАН ХҮНИЙГ ЦАГДАА ГЭДЭГ” сонирхолтой ярилцлага бэлтгэлээ.

“Цагдаа” эмхтгэлийн шинэ дугаар бүхэн алба хаагч та бүхний  хийж бүтээсэн хүч хөдөлмөр, ажлын үр дүнгээр бүтдэг болохоор өргөсөн тангарагтаа үнэнчээр үүргээ гүйцэтгэдэг алба хаагч та бүхэндээ ажлын их амжилтыг хүсэн ерөөе