Өвөрхангай аймгийн Цагдаагийн газар, аймгийн Гэмт хэргээс урьдчилан сэргийлэх ажлыг зохицуулах салбар зөвлөл, Арвайхээр сумын Засаг даргын Тамгын газар, Эрүүл мэндийн газар, Хөгжимт драмын театр, Улаан загалмайн хороо хамтран сургуулийн өмнөх боловсролын байгууллагуудын дунд “Замын хөдөлгөөний цагаан толгой-2026” танин мэдэхүйн тэмцээнийг амжилттай зохион байгууллаа.

Тэмцээний зорилго нь бага насны хүүхдийг зам тээврийн осол, хэргээс урьдчилан сэргийлэх, замын хөдөлгөөнд зөв, аюулгүй оролцох дадал хэвшлийг төлөвшүүлэх, хууль, эрх зүйн мэдлэг олгох, эцэг, эх, асран хамгаалагчдын үүрэг, хариуцлагыг дээшлүүлж, сургуулийн өмнөх боловсролын байгууллагын багш, ажилтнуудын оролцоог идэвхжүүлэх юм.

Тэмцээнд 6 цэцэрлэгийн 6 багийн 60 хүүхэд оролцож, тэднийг 36 багш, эцэг эх, асран хамгаалагч дэмжин оролцлоо.

Тэмцээний дүнгээр:

- Тэргүүн байр – Хужирт сумын 2 дугаар цэцэрлэгийн “Замын одод” баг;

- Дэд байр – Хархорин сумын 5 дугаар цэцэрлэгийн “Эрчис” баг;

- Гутгаар байр – Уянга сумын Жаргалант багийн “Жаргалтай жаалууд” баг;

-Тусгай байр – Арвайхээр сумын 8 дугаар цэцэрлэгийн “Хангарьд” баг тус тус шалгарлаа.