Тэмцээнд оролцогчид холимог баг болон өрсөлдөж, “Гэмт хэргийн сүлжээ илрүүлэх ухаалаг систем”, “Сонор аялгуу”, “Хиймэл оюун ухаанд суурилсан видео аналитик, камерын хяналтын систем” зэрэг сэдвийн хүрээнд шинэлэг технологийн шийдэл боловсруулан, бүтээлээ танилцуулж өрсөлдсөн юм.

Тэмцээний дүнгээр:

Тэргүүн байр – “Cyber Intelligence” баг, “Гэмт хэргийн сүлжээ илрүүлэх ухаалаг систем”;

Дэд байр – “Python” баг, “Сонор аялгуу”;

Гутгаар байр – “Putty” баг, “Хиймэл оюун ухаанд суурилсан видео аналитик, камерын хяналтын систем” сэдвээр тус тус шалгарлаа.

Энэхүү тэмцээн нь мэдээллийн технологи, хиймэл оюун ухаанд суурилсан инновацлаг шийдлийг цагдаа, дотоодын цэргийн үйл ажиллагаанд нэвтрүүлэх, алба хаагчдын бүтээлч сэтгэлгээ, мэдлэг, ур чадварыг хөгжүүлэх, хамтын ажиллагааг бэхжүүлэхэд чиглэсэн онцлогтой арга хэмжээ боллоо.

Тэмцээнд идэвх санаачилга гарган оролцож, оюун ухаан, бүтээлч сэтгэлгээ, мэдлэг, ур чадвараа сорин өрсөлдсөн нийт баг, оролцогчдод баяр хүргэж, цаашдын ажил үйлсэд нь өндөр амжилт хүсье.