БУРХАН БАГШ ЦАГДАА БҮТЭЭСЭН НЬ

Бурхан багш нэгэн удаа цагдаагийн ажилтан бүтээхээр болж зургаан хоног цаг

наргүй ажиллаж байтал тэнгэрийн элч хүрч ирээд янз бүрийн илүү гэмээр зүйлүүд нэмж

хийж байхыг хараад “Та үүн дээр ингэж их цаг заваа үрэх хэрэг байна уу” гэж асуув.

Бурхан багш: “цагдаагийн ажилтныг бүтээхэд нэмэлт зүйлүүд хэрэгтэй юм байна.

Тухайлбал тэр харанхуйд нарийхан давчуу замаар найман км газарт гүйж ирээд хана авирах,эсвэл хашаа давах чадвартай, тэгээд эмчүүлнэ сувилуулна гэхгүй, бас энэ бүхнийг

хийхдээ дүрэмт хувцасаа үрчийлгэж бохирдуулахгүй байх ёстой. Тэр бас машин дотор

суугаад бүтэн хоногийн турш ажиглалт хийх, хүний амь нас хохирсон хэргийн газрыг

харанхуй шөнө харж хамгаалах, гэрчийг олохын тулд айл айлын хаалга тогших, нэг юмаа

хэдэн зуун удаа асууж сураглах, ятгах, тэгээд бас маргааш нь шүүх дээр очиж үүнийгээ

гэрчилж мэдүүлэх чадвартай байх ёстой. Бас тэр хагас дутуу хооллож ундалсан хэдий ч

ямар ч үед үүргээ гүйцэтгэж чадах бие махбодьтой байх ёстой. Ийм учраас тэрэнд

зургаан хос гар хэрэгтэй болоод байх юм.

Тэнгэрийн элч гайхаж толгойгоо сэгсэрснээ “зургаан хос гар?... тэгж болохгүй”.

Бурхан багш: Энд зөвхөн гарны тухай биш байгаа нь надад асуудал болоод байна,

түүнд бас гурван хос нүд хэрэг болох нээ.Эдгээр зүйл чинь ердийн хүний загвар дээр бий бил үү гэж Тэнгэрийн элч асуулаа.

Бурхан багш толгой сэгсэрч, “тэр ганц хос нүдтэй болсныхоо дараа -Эрхмээ, таны

халаас товойж харагдаад байна, тэнд юу байгааг би харж болох уу? гэж асуусан.

Тэгэхээр нь хамтрагчийнхаа аюулгүй байдлыг ажиглаж байхын тулд өөр нэг хос нүд, энэ

үедээ цус алдаж байгаа хохирогчийн шарх нь амь насанд аюултай эсэхийг харж байх бас

нэг хос нүд хэрэгтэй гэж бодлоо”.

Бурхан багш минь та амрах хэрэгтэй, үүнийг маргааш үргэлжлүүлж болно шүү дээ

гэж Тэнгэрийн элч хэлэв.

Бурхан багш “болохгүй ээ, үүнийг 100 гаруй кг жинтэй согтуу эртэй хэл амаа

ололцоод ямар нэг осол эндэлгүйгээр эргүүлийн машиндаа суулгаж чадах, бас өөрийн

өчүүхэн цалингаараа таван ам бүлтэй гэр бүлээ тэжээх чадвартай болгох хэрэгтэй

байна.

Тэнгэрийн элч цагдаагийн ажилтан руу эргэж “тэр сэтгэх үү” гэж шивнэв.

Тэгэлгүй яахав, тэр чамд хэдэн зуун гэмт хэргийн бүрэлдэхүүний талаар ярьж өгч

чадна, мөн эрхийг тань тайлбарлан өгнө, саатуулах, мөрдөн шалгах, нэгжих, зэвсэгт

бүлэглэлийн гишүүнийг гудамжинд газар дээр нь баривчлаж дараа нь үүнийгээ хууль

ёсны болохыг шүүхийн өмнө хамгаална, тэгэхдээ энэ бүхний дараа эелдэг байдлаа

хадгалсаар л байх болно.

Мөн тэр газрын там мэт болсон хэргийн газарт ажиллах, хүүхэд хүчирхийлэгчийг

буруугаа хүлээхийг нь ятган зогсох, хүн амины хэргийн хохирогчийн гэр бүлийнхнийг

тайтгаруулах, энэ бүхний эцэст нь хууль сахиулах байгууллага хэрэгтний эрхийг

хангахгүй байгаа тухай өдөр тутмын сонин уншаад сэтгэл хөдлөлөө хянах ер бусын

чадвартай байх болно.

Тэнгэрийн элч тонгойж цагдаагийн ажилтны хацарт хуруугаа хүргэж үзээд “тэрнээс

дусаал шүүрч байна” гээд “та түүнд хэтэрхий их үүрэг ногдуулж байгаагаас задрах гэж

байх шиг” гэлээ.

Бурхан багш “энэ задарч байгаа юм бишээ, харин энэ чинь нулимс” гэв.

“Нулимс юунд хэрэгтэй юм” гэж тэнгэрийн элч асуулаа.

Нулимсыг хүнийхээ сэтгэл хөдөлгөөнийг ил гаргаж чаддаггүйнх нь төлөө, нулимсыг

амь үрэгдсэн нөхдийнх нь төлөө, нулимсыг эх орондоо өргөсөн тангарагынх нь төлөө,

нулимсыг шударга ёсны төлөө түүнд өгч байгаа юм.

Та суут ухаантай юмаа гэж тэнгэрийн элчийг хэлэхэд Бурхан багш түүн рүү

гунигтай харж байснаа “Би суутан бишээ, би түүний нүдэнд нь нулимс хийгээгүй”.