Өвөрхангай аймгийн Гэмт хэргээс урьдчилан сэргийлэх ажлыг зохицуулах салбар зөвлөл, Прокурорын газар, Монголбанкны Өвөрхангай аймаг дахь хэлтэс, арилжааны банкны салбарууд, Насан туршийн суралцахуйн төв, Өвөрхангай аймгийн цагдаагийн газар хамтран “Цахимд нягтал-залиланд бүү хуурт” сэдэвт хэлэлцүүлгийг /2026.04.10/ зохион байгууллаа.

Хэлэлцүүлгээр цахим орчинд үйлдэгдэж буй залилах гэмт хэргийн өнөөгийн нөхцөл байдал, зонхилон үйлдэгдэж буй төрөл хэлбэр, үйлдлийн арга, шалтгаан нөхцөлд хийсэн дүн шинжилгээг танилцуулж, иргэдийг энэ төрлийн гэмт хэргийн хохирогч болох эрсдэлээс урьдчилан сэргийлэх, цахим орчны зөв хэрэглээг төлөвшүүлэх, анхаарах асуудлын талаар мэдээлэл өглөө.

Тус хэлэлцүүлгээр төрийн албан хаагч болон иргэдийн залилах гэмт хэргээс урьдчилан сэргийлэх мэдлэг, ойлголтыг нэмэгдүүлэх, шалтгаан нөхцөлийг таниулах ач холбогдолтой.

Мөн “Дэлхийн мөнгөний 7 хоног-2026” аяны хүрээнд зохион байгуулсан “Мөнгөө ухаалгаар удирдъя” илтгэлийн уралдаанд тусгай байранд шалгарсан Тэмүүлэл-Эрдэм сургуулийн 11 дүгээр ангийн сурагч О.Лхагвасүрэн “Цахим залилан танаас эхэлнэ” сэдэвт илтгэлээ танилцуулсан юм. 

Арга хэмжээний үеэр дээрх илтгэлийн уралдаанд амжилттай оролцсон сурагчдад шагналыг нь гардуулав.