Соёл, урлагийн салбарын оны шилдэг уран бүтээлч, уран бүтээлийг шалгаруулдаг “Мөнгөн мод-2025” наадмын 17 дахь удаагийн шагнал гардуулах ёслолын үйл ажиллагаа өнөөдөр /2026.03.27/ болж, шилдгүүдээ тодрууллаа.

Энэхүү наадам нь соёлын бүтээлч үйл ажиллагааг төрөөс дэмжиж урамшуулах, алдаршуулах зорилгоор жил бүр зохион байгуулагддаг ёслол хүндэтгэлийн үйл ажиллагаа юм.

17 дахь удаагийн “Мөнгөн мод” наадмын “Зар сурталчилгааны шилдэг бүтээл” төрөлд цагдаагийн байгууллагаас зохион байгуулсан “365 Анхаарч хайрлая” мэдээлэл, нөлөөллийн аян шилдгээр шалгарлаа.

Цагдаагийн ерөнхий газрын Урьдчилан сэргийлэх албанаас CU, GS25 брэндүүдтэй хамтран “365 АНХААРЧ ХАЙРЛАЯ” аяныг эцэг эх, гэр бүл, нийгмийн хүрээнд хүүхдийн төлөвшил, харилцаанд өдөр бүрийн анхаарал, хайр халамжийг нэмэгдүүлэх, өсвөр насныхны дунд хорт зуршлын нөлөөллийг бууруулж, зөв дадал, зөв хүрээллийг төлөвшүүлэх зорилготой зохион байгуулсан билээ.

Цагдаагийн байгууллагаас "Мөнгөн мод" шагналыг 3 дахь удаагаа хүртэж байгаа бөгөөд 2022 онд зохион байгуулсан "Аажуу явбал аяндаа хүрнэ дээ", 2024 онд зохион байгуулсан "Соёл танаас эхэлнэ" аянаар тус тус “Зар сурталчилгааны шилдэг бүтээл”-ийн эзэд болж байсан юм.