Цагдаа, дотоодын цэргийн байгууллагын алба хаагчдын оюуны алжаалыг тайлах, хамт олны уур амьсгалыг дээшлүүлэх, соён гэгээрүүлэх ажлын хүрээнд Урьдчилан сэргийлэх албаны Сүлд-Соён гэгээрүүлэх хэлтсээс “Шидэт хайрцаг” уран бүтээлийн тоглолтыг өнөөдөр /2025.12.25/ амжилттай зохион байгууллаа.

Тус тоглолт нь алба хаагчид болон тэдний гэр бүл, үр хүүхдүүдэд зориулсан бөгөөд шинэ онтойгоо өөдрөг сэтгэл, урам зориг дүүрэн угтах, хамт олны нөхөрлөлийг бэхжүүлэх зорилготой юм.

Арга хэмжээний үеэр шинэ жилийн дуу хөгжим, бүжгийн хөтөлбөрүүдийг толилуулж баярын уур амьсгалыг бүрдүүлснээрээ онцлог байлаа.

Ийнхүү алба хаагчид ажлын алжаалаа тайлж, гэр бүл, хамт олонтойгоо дурсамж дүүрэн цагийг өнгөрүүлэв.

Нийт алба хаагчид болон тэдний гэр бүлд айлчлан ирж буй шинэ оны мэндийг өргөн дэвшүүлж, эрүүл энх, аз жаргал, ажлын амжилт, сайн сайхан бүхнийг хүсэн ерөөе.