Тайлангийн хуралд Цагдаагийн ерөнхий газрын Дэд дарга, цагдаагийн хурандаа Б.Дэлгэрсайхан, Санхүү, ар талын албаны дарга, цагдаагийн хурандаа Д.Батчулуун, “Ахмадын зөвлөл”-ийн дарга бэлтгэл цагдаагийн дэд хурандаа Ц.Янсанжав болон тус албаны даргын зөвлөлийн гишүүд, алба хаагч, ажилтан, ахмадуудын төлөөлөл оролцов.

Энэ үеэр Санхүү, ар талын албаны 2025 оны гүйцэтгэлийн төлөвлөгөөний биелэлт, ажлын үр дүнг тайлагнав.

Мөн ажлын үр дүнгээр бусдыгаа манлайлан ажилласан алба хаагч, ажилтнуудыг шагнаж урамшууллаа.

Үүнд:

Санхүү, ар талын албаны “Ажил, мэргэжлийн аварга” алба хаагчаар:

1. Дорнод аймгийн цагдаагийн газрын ахлах нягтлан бодогч, цагдаагийн ахлах дэслэгч Д.Ганчимэг,

2. Нийтийн хэв журам хамгаалах олон нийтийн аюулгүй байдлыг хангах албаны Захиргааны удирдлагын хэлтсийн аж ахуйн ажилтан, цагдаагийн ахлах дэслэгч Г.Намхайдорж,

3. Санхүү, ар талын албаны Автобаазын Хөдөлмөрийн аюулгүй байдал хариуцсан чиглэлийн ахлах мэргэжилтэн, цагдаагийн дэд хурандаа Х.Амаржаргал,

4. Мөн албаны Автобаазын Ашиглалтын хэлтсийн цагдаа жолооч, цагдаагийн ахлагч Н.Батболд,

5. Мөн албаны Хангалт, үйлчилгээний төвийн кассын нярав, бичээч, цагдаагийн дэд ахлагч Х.Хаш-Эрдэнэ,

6. Мөн албаны “Сүүж-Уул” амралт, сувиллын зөөгч-бэлтгэгч Ц.Отгонбаяр,

7.Тэргүүний хамт олноор “Хангалт, үйлчилгээний төв”-ийн хамт олон шалгарав.

Санхүү, ар талын албаны “Хүндэт тэмдэг”-ээр:

1. Тус албаны Хангамжийн хэлтсийн ахлах мэргэжилтэн, цагдаагийн дэд хурандаа Н.Батцэнгэл,

2. Нийслэлийн цагдаагийн удирдах газрын Санхүү, ар талын хэлтсийн сантехникч Б.Батмөнх,

3. Дотоодын цэргийн 805 дугаар ангийн угаагч-зөөгч Баянжаргалын Дуламсүрэн

нарыг шагнаж урамшуулав.

Санхүү, ар талын албаны даргын “Баярын бичиг”-ээр 9, бусад шагналаар 2 алба хаагч тус тус шагнагдлаа.

Санхүү, ар талын албаны хамт олондоо шинэ оны мэнд хүргэж, ажил хөдөлмөрийн өндөр амжилт хүсье.