Цагдаагийн байгууллагын хүүхдийн ажил хариуцсан 20 алба хаагч НИТХ-ын санхүүжилтээр энэ оны 09 дүгээр сард Бүгд Найрамдах Солонгос Улсын Хүүхдийн эрхийг хамгаалах үндэсний товчооны сургалтад хамрагдсан.

Сургалтын үр дүнгийн уулзалтыг НИТХ-аас энэ оны 12 дугаар сарын 19-ний өдөр Нийслэлийн “Хангарди” ордонд зохион байгууллаа. Уулзалтад НИТХ-ын дарга, А.Баяр, төлөөлөгч Л.Хосбаяр, ЦЕГ-ын Урьдчилан сэргийлэх албаны дарга, цагдаагийн дэд хурандаа А.Амарбат, тус албаны ХЭГЗУСХ-ийн дарга, цагдаагийн дэд хурандаа Б.Будзаан болон бусад НИТХ-ийн төлөөлөгчид, цагдаагийн алба хаагчид оролцож, сургалтын үр дүн, цаашид хамтран хэрэгжүүлэх ажлын талаар санал солилцлоо.