Монгол Улсын Ерөнхийлөгч, Зэвсэгт хүчний ерөнхий командлагч 2025 оныг “Ахлах офицер”-ын жил болгон зарласантай холбогдуулан Мөрдөн байцаах албаны ахмад ажилтан, цагдаагийн дэд хурандаа Б.Ганболдод хүндэтгэл үзүүлэх арга хэмжээ зохион байгууллаа.

Уг арга хэмжээнд Мөрдөн байцаах албаны даргаар ажиллаж байсан Монгол Улсын Гавьяат хуульч, цагдаагийн хурандаа Д.Алтангэрэл, тус албаны даргын зөвлөлийн гишүүд, гэр бүл, хамтран ажиллаж байсан журмын нөхөд болон алба хаагчид оролцлоо.

Арга хэмжээний үеэр цагдаагийн дэд хурандаа Б.Ганболд ажлын туршлага, арга барилынхаа талаар санал сэтгэгдлээ хуваалцаж, алба хаагчдын сонирхсон асуултад хариулж, мөрдөн байцаагчаар ажиллах хугацаандаа хүртсэн гавьяа шагналуудаар үзэсгэлэн гаргасан юм.