Монгол Улсын Ерөнхийлөгчийн санаачилсан “Эрүүл Монгол хүн” үндэсний хөдөлгөөн, Хууль зүй, дотоод хэргийг сайдын санаачилсан “Зохистой биеийн харьцааг хэвшүүлье” уриалгын хүрээнд Цагдаагийн ерөнхий газрын даргын 2025 оны 04 дүгээр сарын 17-ны өдрийн А/171 дугаар тушаалаар “Эрүүл бие-Эрч хүч” аян, Эрүүл мэндийн яамнаас хэрэгжүүлж буй “24/3 Зөв угаа” аяны хүрээнд цагдаа, дотоодын цэргийн алба хаагч, ажилтны эрүүл мэндийн боловсролыг дээшлүүлж, эрүүл аж төрөх мэдээллээр хангах зорилгоор “Зөв дадал-Эрүүл бие” өдөрлөгийг өнөөдөр /2025.05.09/ зохион байгуулж байна.

Өдөрлөгт цагдаа, дотоодын цэргийн алба хаагч, ажилчдыг хамруулан артерийн даралт, зүрхний цохилт, захын цусан дахь хүчилтөрөгчийн хэмжээ, захын цусан дахь сахрын хэмжээ, биеийн жингийн индекс тодорхойлох, эрдэс, витаминыг тусгай зориулалтын аппаратаар тодорхойлох, шүдний эмчийн үзлэг зөвлөгөөг үнэ төлбөргүй хийж байна.

Мөн энэ үеэр арьс оношилгоо, хэвлийн эхо, хеликобактерийн түргэвчилсэн шинжилгээ зэрэг үзлэг, оношилгоог 30 хүртэл хувийн хөнгөлөлттэй үнээр оношлуулах боломжтой.

Өдөрлөг өнөөдөр Урьдчилан сэргийлэх албаны Сүлд-Соён гэгээрүүлэх хэлтсийн байранд 17 цаг хүртэл үргэлжлэх тул та бүхэн өргөнөөр оролцоорой.