Мөрдөн байцаах албаны Хүний эрх, халдашгүй байдлын эсрэг гэмт хэрэг мөрдөн шалгах хэлтсээс Эрүүл мэндийн яам, Шүүх шинжилгээний ерөнхий газар, Сүхбаатар, Баянгол дүүргийн прокурор, мэргэжлийн салбар зөвлөлтэй хамтран "Мөрдөгч, прокуророос томилсон бүрэлдэхүүнтэй шинжээчийн дүгнэлт гаргахад тулгарч буй асуудал" сэдэвт хэлэлцүүлгийг энэ оны 05 дугаар сарын 08-ны өдөр зохион байгууллаа.

Уг хэлэлцүүлгээр шинжээчийн дүгнэлт гаргахад тулгарч буй хүндрэл бэрхшээлтэй байгаа асуудлуудыг хэрхэн шийдвэрлэх саналыг боловсруулж, цаашид авч хэрэгжүүлэх ажил, арга хэмжээг тодорхойлох зорилготой юм.

Хэлэлцүүлэгт дүүргүүдийн прокурорын газрын орлогч, ахлах, хяналтын прокурорууд, Эрүүл мэндийн яамны мэргэжилтнүүд, АШУҮИС, МУИС-ийн багш нар, цагдаа, шүүх шинжилгээний алба хаагчид оролцлоо.