Монгол Улсад хүний аюулгүй байдалд тулгамдаж буй асуудлууд, тэдгээрийг шийдвэрлэх арга замыг төрийн болон төрийн бус байгууллагууд, эрдэмтэн, судлаачдын дунд хэлэлцүүлж, санал, зөвлөмжийг нэгтгэн зохих шатны байгууллагуудад хүргүүлэх зорилготой “Хүний аюулгүй байдал үндэсний аюулгүй байдлын тулгуур хэсэг болох нь” сэдэвт эрдэм шинжилгээний хурал өнөөдөр /2025.05.02/ боллоо.

Уг хурлыг Үндэсний аюулгүй байдлын зөвлөлийн ажлын алба болон Монгол цэргийн нэгдсэн холбоо хамтран зохион байгуулсан ба холбогдох яам, агентлаг, үндэсний аюулгүй байдлыг хангах тусгайлсан чиг үүрэгтэй байгууллагын төлөөлөл, их, дээд сургууль, хүрээлэнгийн удирдлага, эрдэмтэн, судлаачид оролцсон юм.

Эрдэм шинжилгээний хуралд “Хүний эрх ба үндэсний аюулгүй байдлын харилцан хамаарал”, “Хүний аюулгүй байдал ба төрийн бодлого”, “Цахим орчин дахь хүний аюулгүй байдал: эрсдэл, хамгаалалт, бодлогын хэрэгцээ” зэрэг онцлог сэдвийн хүрээнд илтгэл хэлэлцүүллээ